منورين يا حلوين
بما ان العزومة عندى بقى انهرده انا احب اللى يجينى اعلمو جو اسكندرانى فى الفطار حنعمل بيكنيك حلوة كده والفطار حيبقى كالاتى
سندوتشات جبنة مقلية
بيض بالبسطرمة
طعمية محشية
فول بالسجق
ومعجنات بقى لزوم الشاى
شاى
بيبسى
وعصاير للى بيحب العصير
جبت جبنة رومى وقطعتها تخينة شويه
حطتيها فى دقيق وبيض وبقسماط ودخلتها التلاجه نص ساعه
جهزت العيش وشرايح الخس والطماطم والمايونيز لزوم الساندوتشات
وحمرت الجبنه فى الزيت وطلعتها ع السندوتشات وجهزتهم ولفتهم فى ورق فويل
بيض بالبسطرمة وحطيته فى ساندوتشات وبرضه فويل عشان يفضل سخن
وجبت ساندوتشات طعميه وفول بالسجق جاهزة من عند ابو ربيع طبعا لازم حاجه اسكندرانى
وجهزت ترموس الشاى
ومعاه جبت باتيهات وساليزون من الفرن
وجبت كمان كانز وعصير
وطلعنا انا وحبابى العدولات قعدنا ع البحر طبعا عزومة اسكندرانى
اقولكو حضرت الوصفات ازاى وبعدين افرش السفره للحلوين
كفتة فى الفرن
اك لحمه مفرومة
بصله كبيرة
شوية برغل مش كتير نضيف ومنقوع
ملح وفلفل اسمر
بودرة توم
طماطم
بقدونس وشبت مش كتير
الطريقه
فرمتهم كلهم مع بعض بالمفرمة وصبعتهم ودخلتهم فرن الكهربا مع معلقه سمنة وبعد ما خرجت من الفرن واخدت وش حلو كنت مجهزة فحمه كبيره وحطتها فى وسط الصينيه وقفلت عليها عشان تاخد ريحة الفحم
فراخ بانيه
فراخ مخليه صدور
عصير بصل
ملح وفلفل
معلقه خل
بيض
بقسماط
دقيق
الطريقه
تبلت الفراخ بعصير البصل والخل والملح والفلفل
سيبتها نص ساعه فى التلاجه(او اكتر)
بعد طلعتها وحطتها فى دقيق بيض بقسماط بالترتيب
سيبتها شويه فى التلاجه
حمرتها فى زيت غزير
وحمرت بطاطس جنبها
رز بالكبده فى الفرن
المقادير
كبدة من عند الجزار جبت نص ك
3 كوب رز
2 ونص كوب لبن مغلى وكوب ماء او شوربة
ملح
سمنة
غسلت الرز وصفيته وحطيت نصه فى البرام
الكبده جاهزة ومقطعه شرايح رفيعه
حطيتها على الرز فى البرام وحطيت شويه ملح
بعد حطيت باقى الرز وكميه الميه واللبن وشويه ملح ومعلقتين قشطه
دخلتها الفرن تحت الشوايه تاخد وش ولما اخدت الوش حطيت السمنه وسيبت الرز يستوى على نار هادية
صنية بطاطس فى الفرن
بطاطس مقطعه حلقات
عصير طماطم/معلقه صلصه
معلقه سمنه
نص ك لحم قطع سهل السوى
شرايح فلفل اخضر
ملح وفلفل
حطيت كل المكونات على بعض وعليهم شوربه ومعلقه كبيره سمن ودخلتها الفرن تستوى وتاخد وش
محشى ورق عنب
ورق عنب مسلوق وجاهز وعليه شويه زيت لزوم اللمعه
رز منقى ومغسول
عصير طماطم
بصل مقطع صغير
بقدونس وشبت
ملح وفلفل
سمن وزيت
جهزت تخديعه الطماطم وحطيتها ع النار وحطيت الرز وحشيت المحشى ورتبته فى الحله وعصرت ليمونه
ضيفت الشوربه وفصين توم مفرومين وخطيته ع النار حتى تمام السوى
سمان
سمان حسب عدد الاشخاص
رز ابيض ومغسول
ملح وفلفل
بصل مقطع
معلقه سمن
شوحت البصل مع السمن
حطيت الملح والفلفل
حشيت السمان ورصيته فى صنيه وعليه لحد نصه كده ميه مش كتير ودلته الفرن بس غطيته وقبل ما اطلعه شلت الغطا عشان ياخد وش لا تقولى فتح ولا الرز طلع بجد الطريقه دى تخلى الرز جواه وميعجنش ولا يطلع من بطنه
لحمه كباب حلة
ك لحمه مقطعه وسهل السوى
بصل وتوم مقطع
سمنة وملح وفلفل
شوحت اللحمه مع البصل والتوم ولما لونها اغمق زودت الميه والملح والفلفل وكل ما الميه تنشف ازود لحد ما تتهرى خالص معلش سنانا تعبانه
لحمه فى الدمعه
نفس مقادير وطريقه كباب الحله بس حنشيل البصل ونحط ثوم كتير وعصير طماطم بس بجد تحفه والوصفه دى اخدتها من حماتى
جبت كسكسى جاهز وبليته بشوربه وسمن
وقدمت جنبه لحمه مسلوقه ومحمرة وبط مسلوق ومحمر
وعملت كمان رز بالخلطه
ارز 2 كوب او حسب الرغبه
على كل كوب ارز معلقه كبيره سكر
كبده جزار وانا بستخدم كبده الفراخ
كوب صغير زبيب مغسول
مكسرات حسب الرغبه
ملح وفلفل اسمر
معلقتين سمنه
على كل كوب رز كوب ماء
قرفه حسب الرغبه انا بحط معلقه ونص شاى
طبعا الرز مغسول وعلى جنب
تقطع الكبده شرائح صغيره وتشوح فى السمن وملح وفلفل اسمر
فى الحله اللى حنطبخ فيها بتحرقى السكر كل كوب رز عليه معلقه كبيره سكر وتحرقيها زى بتاع الخروب تمام وهو ده اللى بيدى اللون للرز
بعد حرق السكر يضاف معيار الماء والرز ويقلب ويضاف التوابل الملح والفل والقرفه
يضاف الزبيب والكبده ويقلب
ويضاف معلقه سمن او حسب الرغبه
يترك على نار متوسطه حتى يجف الماء ثم يهدى عليه
بعد تمام السوى وعند التقديم يضاف المكسرات المحمصه الصنوبر او الللوز حسب الرغبه
قدمت كمان سلطات طحينة وسلطه خضرا وتومية لزوم المحشى والكفته
وتبوله عشان عيون ام وليد
وعملت شوربه لسان عصفور
وجبت تورتة من عند كلاسيك وقدمتها مع الشاى
