بعد ما رحل رمضان
ــــــــــــــــــــــــــــــــــــــــــــــــــ ــــــــــــــــــ
أنا : خلاص هتمشي انت كمان
فانوس : دي سُنة الحياه يا صاحبي
أنا : انا تعبان بجد … رمضان خلص … ورجعت لكل ذنوني وعاداتي تاني
رجعت مُقصر في كل حاجه
حتى في الصلاه
فانوس : وتفتكر إني همشي من غير ما أساعدك ،
أنا أخوك في الله ولن نفترق حتى نصل الى الفردوس برحمة الله
أنا : ياااااااااااااريت يا فانوس
فانوس : بس مش المهم أني أنصحك ، المهم إنك تعمل بالنصيحه ،
أنا نصحتك قبل كده ومسمعتش كلامي يا صاحبي !! ولا نسيت خطة 442
أنا :
فانوس : خلينا في المهم
المفروض إن رمضان كان عباره عن تدريب
تدريب لكل واحد علشان يبقى مسلم بجد
بالظبط كأن واحد عنده مسابقة جري … فبقى كل يوم يجري 100 متر علشان يقدر يفوز في المسابقه
تفتكر بعد ما قعد يتدرب لمدة شهر كامل يجي وقت المسابقه ويقول
لا كفايه كده انا جريت كتير … انا مش هدخل المسابقه
أنا : لا طبعاً
فانوس : الشاهد … احنا الآن عاوزين نعرف ازاي نثبت بعد رمضان
وازاي فعلاً رمضان ميبقاش موسم
وازاي منكونش زي اللى ربنا قال فيها : { ولا تكونوا كالتي نقضت غزلها من بعد قوة أنكاثا }
ركز معايا بقى .. بسم الله الرحمن الرحيم وبه نستعين
قبل ما أقولك على برامجنا العمليه هناك بعض الأمور يجب إنك تنتبه لها
رمضان عدى بكل ما فيه … وعلشان منكنش بنهدم اللى بينيناه يبقى نعمل التالي :
(1) الخوف من عدم القبول : بمعنى إنك عملت بعض الأعمال في رمضان حتى لو بسيطه ، عاوزك دايما تخاف أنها مش تتقبل … ودايما تبقى عارف إنك لو تركت هذه الأعمال يبقى منكتش صادق فيها
(2) إياك واليأس : متقولش أنا وحش .. أنا منفعش لربنا … كلنا بنغلط وبنذنب .. وواحده وواحده مع بعض هنوصل لربنا
(3) لو بجد حسيت بقرب ربنا وحلاوة الطاعه ولذة هجران المعاصي … يبقى ليه بالله عليك ترجع تاني للذنوب والبعد عن ربنا … هتلاقي أحن وأرحم وأجمل منه سبحانه
(4) بلاش تعامل ربنا معاملة التاجر .. يعني في المواسم ( زي رمضان ) تشد حيلك وتقطع نفسك وبعد الموسم ( زي الايام دي ) تنام وترجع لسابق عهدك
هاا كده تمام؟؟
أنا : آه تمام
فانوس : طيب صلي على النبي صلى الله عليه وسلم
جزآآكـ الله خيرا
بارك الله فيكى
عليه أفضل الصلاه وأتم التسليم