كانت مرمر الصغنونه بنت جميله وأمورة
عايشه مع ماما وبابا وأخوها سوسو
وكانت مرمر نظيفه وبتحب تغسل أسنانها كل يوم وكمان تغسل ايديها كويس بالميه والصابون وبتحب اووووووووى تكون نظيفه وجميله
وسوسوبقى مبيحبش يغسل أيدة خالص قبل الأكل ولا حتى بعد الأكل
ولا يغسل اسنانه وهدومه وحشه ومش نظيفه وماما كانت زعلانه منه أوووووووى
وحذرته انه لو مغسلش ايدة قبل الاكل ممكن يتعب ويجيله امراض كتير لان ايدة فيها مكروبات وجراثيم ولو اكل من غير ميغسلها هتدخل
جوة بطنه وهيعيى وهياخد حقن
بس سوسو مبيسمعش كلام ماما ولا كلام أخته مرمر
وأكل من غير ميغسل أيدة وكان جى من الشارع وماما سئلته انت غسلت ايدك يا سوسو
فقال ايوة يا ماما غسلتها بالميه والصابون
ومرمر قالت انت بتكذب يا سوسو انت مغسلتش ايدك
سوسو قال لاخته ملكيش دعوة بيا يا مرمر انا جعان واعد مروان ياكل ياكل
وبعد شويه سمعت ماما ومرمر صوت سوسو هو عمال يعيط ويصرخ ويقول اى اى اى اة اة يا بطنى الحقينى يا ماما
وجريت ماما ومرمر على سوسو ولقوة بيعيط ويقول اى اة يا نى الواوا الوحشه وجعانى جوة فى بطنى كدة تعبانى وماما زعلت من سوسو وأخدته على الدكتور والدكتور اداله حقنه كبيرة خالص مالص
ومن يومها حرم سوسو يأكل من غير ميغسل ايدة
بالميه والصابون ياحلوين وتوته توته خلصت الحدوته
