حبايبى العدلات
ازيكم انهارده جايبه وصفه رائعه للترطيب
انا جربتها دى اختراعى ولما جربتها قولت لازم افيد بيها كل عدوله من حبايبى كلكم يعنى
هى وصفه حلوه اوى لجفاف الشتا وكمان لتشققات القدم اللى معظمنا بيعانى منها حزينة
بلاش رغى كتير ندخل ف المهم ههههههههههههههه
تجيبى انبوبة كريم بانثينول
3 اكياس فازلين ونسيحهم بحمام بخار
3ملاعق كبيره زيت زيتون
2 ملاعق كبيره زيت لوز حلو
2 ملاعق كبيره زيت ورد
2 ملاعق كبير جليسرين
شريط كبسولات فيتامين e
نضيف كل المحتويات ونخلطهم مع بعض كويس ونحطهم فى علبه او برطمان فاضى
وبعد كل شاور تدهنى جسمك كله وقبل ماتنامى ممكن تدهنى ايديك ورجلك وركزى على كعبك وتدهنى وشك قبل ما تنامى تانى يوم هتلاقى نعومه رهيبه وجسمك بقى طرى وناعم جدا
ولو دهنتى المنطه الحساسه هتنعم وتفتح
بصى هى وصفه كامله للجسم كله وقولوا باى للجفاف والتشققات
جربوا وادعولى انا ماشيه عليها بقالى سنه والحمد لله فرقت جدا معايا
وانتم علشان حبايبى قولت افيدكم بيها
بصوا ياقمرات عايزه منكم دعوه حلوه زيكم ابتسامة
ومتنسوش التقييم
فى رعاية الله يارب
جزاكِ الله خير
