تعالوا نعمل جدول للطبخ لرمضان 2024

ايه رايكم نعمل جدول للطبخ بدل مااحنا بنكون كل يوم محتارين ومش عارفين هانعمل اكل ايه بكره
المهم كل اللي عندها فكره تقولها تساعد بيها اخواتها اهي تفيد وتستفيد
انا مثلا ها اقولكم فكرتي
واللي عندها فكره احسن تضيفها لنا
بصوا انا ها اقول كل الطبخات اللي بعملها مثلا
وانتوا كمان وانا طبعا بحاول اعمل اكل يكفيني انهارده وبكره
1-مكرونه وفراخ بانيه وبطاطس محمره وسلطه خضرا
2-بسله وارز وشوربه لسان عصفور مع لحمه او فراخ
3- كشري مصري
4-صينيه بطاطس وارز وملوخيه "لحمه او فراخ او وراك"
5-فته عدس "بموت فيها وفايدتها احسن من الفراخ
6-مسقعه وممكن جنبها ارز ابيض لو حبيتي
7-سمك وارز صياديه وسلطه خضرا
8-كبد وقوانص وارز بالكاري وسلطه
9-كوسه باللحمه المفرومه وارز وشوربه
10- محشي وجنبه فراخ او لحمه
11-قلقاس وارز وفراخ ع فكره بيبقا اطعم بشوربه الفراخ
12-حوواوشي وسلطه طماطم وطحينه
13-لحمه محمره وارز ابيض
14-كوارع وفته وممبار
15-كفته وسلطه
16-بصاره
17-مكرونه بالبشاميل ووراك مشويه
18-جلاش او رقاق باللحمه المفرومه وبطاطس محمره
20-سبانخ وارز ولحمه
21-كانيلوني
22-شاورما وسلطه طحينه
23-تورلي وارز ابيض
24-كفته بطاطس باللحمه المفرومه وسلطه
25- صينيه وراك في الفرن مع عيش سخن"تحفه"
26-فاصوليا بيضا او لوبيا او فاصوليا خضرا مع ارز "فراخ او لحمه"
27-فراخ محشيه بالارز
28- كبسه ارز ولحمه
29-كفته ارزبالصلصه وارز بالشعريه
30-قرنبيط ولو بتحبيه اقولك طريقه تدعيلي بيها
31-باميه باللحم الضاني وارز باشعريه وشوبه خضار او لسان عصفور
32- كشري اسكندراني وبيض مسلوق جنبه وخلل باذنجان
33-باميه ويكه وباذنجان مخلل "اكله تمام وتخليكي تشبعي اخر 3 حاجات"ههههههههههههههههههههههه
34-طاجن لسان عصفور باللحمه الضاني
35- بصاره بس مش بعرف اعملها ومش باكلها اصلا غير لما حد يعملها ويبعتلي طبق
36- فته باللحمه بتاعه العيد الكبير
37- كبده بالرده وسلطه لسان عصفور
وطبعا كل فتوكه ممكن تضيف اكله لاختها الفتوكه المحتاره تطبخ ايه بكره
انا عن نفسي بعمل الاكل ده ولما بزهق ويكون ماليش نفس اطبخ وكمان ماليش نفس اكل
بعمل شكشوكه وبطاطس محمره
او
مش بالطماطم والخيار وجنبه بطاطس محمره
او
سلطه تونا
واهي بتتقضا والحمد لله