السلام عليكم يا غاليات
كيف .. كيف .. كيف ..
كيف هو اصعب سؤال نواجهه اذا جينا نشتغل علي الديكور ..
سواء غرفه او ممر او صاله او مطبخ او دورة مياه ..
او حتى دولاب او كنبه او طاوله
او حتى مفرش
او حتي تليفون
بالنسبه ليا ازاى احطه يسار المزهريه احلى ولا يمينها
يعني فعلا الديكور اي حركه بسيطه في المكان تبوظ المنظر العام ..
كنبه مايله .. برواز نازل تحت اوطالع فوق .. ابجوره لونها مش مناسب ..
عشان كدا حبيت اني اجمع
مجموعه تساؤلات واحطها بين ايديكم تنفعكم ان شاء الله .
* كيف تجعلين مدخل شقتك جميل مريح ؟
طبعا مدخل الشقق دائما يسبب أزمات للساكنين ليه ؟
لانه يكون غالبا صغير ضيق ماله داعي ..
فالمقترحات هنا:
1- يحتاج مدخل الشقق اضاءه علويه ( في السقف ) ومرايا كبيره ..
لان مدخل الشقق غالبا مايكون فيه شبابيك فيحتاج اضاءه ممتازه تعطي وسع للمكان
مع وجود مرايا توزع الاضاءه وتعطي انتشار افضل للاضاءه وتعطي وسع للمساحة
2-حطي لمسات حميميه تعطي دفء وجمال للمدخل ..
مثلا مزهرية ورد ، تحفة صغيره زجاجية ، اضاءه خافته ، سله لطيفه تحطى فيها اي شئ
3– طاوله طويله مش عريضه او تجي كورنر تحطيها تحت المرايا تخدم المكان من حيث المنظر
ومن حيث الاستخدام ،، وجميل جدا لو يكون عندك ابجوره تحطيها علي الطاوله مع
الاشياء اللي ذكرتها قبل كده مع ورد او زرعه .. يعطون دفء رائع للمدخل ..
4-ممكن تحطي علي الطاوله حوض سمك بدل التحف ..
حوض السمك يلفت النظر عن ضيق المكان ويعطي حيويه وروح ..
ودائما يكون سبب لابتسامة الضيف من القلب اول مايدخل 
