طريقة تحضيرالمدلان..مدلان من مطبخي بالصور
المقادير:
ـ 4 بيضات.
ـ 1 خميرة.
ـ 1 فاني.
ـ 120 مل حليب.
ـ 150 مل زيت.
ـ 300غ فرينة.
ـ 250 غ سكر.
هاذ المقادير تعطيك من 20 الى 22 حبة
طريقة التحضير:
نضع البيض في إناء عميق
و نزيد عليهم السكر و الفاني و الخميرة
و نخلط بالملعقة اوالشوكة مليح من التحت للفوق حتى يتجانس الخليط
و بعدها نضيف الفرينة( تولي عاقدة بزاف) لكن ما تخافيش الفرينة نضيفولها على دفعات
و كي نكملوا نضيفوا الحليب و من بعد الزيت و لازم دخليهم مليح في العجينة بحيث تحركي بالمغرفة فور شوي و هكذا العجينة جاهزة و هي جيك جارية على المعتاد لكن عادي
بعدها نديروا ليكيسات في ليمول و نعمرهم 3/4 انا درت في كول مول 2 مغارف كبار
و نحطوه في الفرن على درجة حرارة 150 درجة اصبري 20 دقيقة أو حتى 25 د و شوفي غير تشوفيها طلعت و نشفت من الفوق طفي من التحت
و شعلي من الفوق حمريها مليح و كي طيب حطي لها المعجون او العسل أو الناباج و زينها بالمكسرات او جوز الهند و صحة و عافية
لفاني هو سكر التعطير يعطي رائعة زكية للحلوى
ده عندنا يعنى الكب كيك ؟