طريقة عمل البسبوسة من مطبخى
المقادير:
كيس بسبوسة
2معلقة زبدة او اقل
1/2كوب لبن او علبة زبادى
للشربات:
2كوب ماية
2ونص كوب سكر
فانيليا
معلش مكنش عندى فانيليا
الطريقة:
اولا:الشربات عشان لازم يبقى بارد هنحط السكر على الماية
ونسيبهم على النار لغاية مايقرب يتقل شوية وبعدين نرفعه
من على النار ونسيبه يبرد
ثانيا: هنحط كيس البسبوسة فى طبق غويط
وبعدين نضيف اللبن والزبدة
ملحوظة: الزبدة لازم تكون طرية
انا عشان كانت فى التلاجة واللبن كان سخن حطيتها فى اللبن
وبعدين نعجنها باليد
لغاية لما تبقى بالشكل ده مش خفيفة
ملحوظة: كل مالعجينة تبقى خفيفة كل مالبسبوسة تنشف منك
يعنى تبقى تقيلة
هنجيب صينية مقاس 24 وندهنها زبدة
ونبدا ننزل البسبوسة فى الصينية
وبعدين نفردها بايدينا
لغاية ماتبقى كده
هندخلها فى الفرن لمدة 25دقيقة حسب نوع فرنك
لغاية ماتستوى بالشكل ده
وبعدين نسقيها اول ماتطلع بالشربات البارد
وده شكلها النهائى وبالهنا
ملحوظة: لازم تبرد قبل ماتتقطع
هجربها النهاردة اصلى أنا عملتها قبل كده ونشفت منى
يارب المرة دى تظبط