انا هاقولكم على وصفتى فى عمايل التورتات
وياااارب تعجبكم
الكيك
4 ك دقيق ابيض
6 بيضات
1ك زيت
2 ك سكر
2 ك لبن وممكن عصير
او 1 لبن +1 عصير
2 كيس بيكنج بودر
2 كيس فانيليا
التزيين
3 ك كريمه بودر
3 وتلات تربع ك لبن بارد جدا
شكولاته بنى مبشوره
شكولاته فارمسيل (بنى +الوان )
صوص شكولاته
سيرب خفيف
– اضربى البيض فى الخلاط لحد مالونه يبيض
-ثم ضيفى الفانيليا والسكر
-اضيفى اللبن والزيت واخلطيهم جيدا
– اخلطى الدقيق والبيكنج بودر جيدا
-صبى الخليط السائل فى اناء عميق حتى تتمكنى من التقليب
-اضيفى الدقيق تدريجيا وقلبى برفق فى اتجاه واحد
– ادهنى 2 صينيه وسط مستطيله جيدا
طبعا بتسالى ليه اتنين هاتعرفى دلوقتى
– صبى تلتين الخليط فى الصينيه ثم دخليها الفرن ويكون حامى لمده تلت ساعه على حسب فرنك
– اخلطى قليل من صوص الشكولاته مع الخليط
ثم صبيه فى الصينيه التانيه
– بعد خروج الكيك برديها على منخل سلك ثم قطعيهم على المقاس اللى تحبيه
-قطعى كيك الفانيليا الى نصفين زى كده
– اخفقى الكريم بودر مع اللبن جيدا ثم ضعى طبقه منها على طبقه كيك الفانيليا الولى
-ثم ضعى طبقه كيك الشكولاته وطبقه كريمه
-ثم الطبقه الاخيره من الكيك
– غطى الكيك بالكريمه من جميع الجهات ثم سيبيها شويه فى التلاجه
-ادهنى الكيك بطبقه كريمه مره اخرى
-الصقى الشكولاته المبشوره على الجوانب
– ثم ضعى قليل من صوص الشكولاته فى كيس واقطعيه من الحرف واعملى خطوط بالورب على الكيك هكذا
-وبعد ذلك زينيها بالشكولاته الفارمسيل
وده الشك النهائى
طبعا تسلم الايادى