النهارده هنشوف مع بعض طريقة عمل بنطلون اطفال بناء علي طلب العضوه الجديده داليا علام اهلا بيها
1- نبتدى الاول بعمل سلاسل بدوران الوسط واوسع حوالي 10 سم كمان بالشكل ده ونقفلها
2- ثم نشتغل سلسلتين لبداية السطر ثم نشتغل الغرزه اللي انتي عاوزاها
انا هنا اشتغلت غرزتين عمود ثم سلسله علي طول وطبعا مكان السلسله بسيب غرزه من السلسله اللي في السطر اللي قبله
وكل سطر باشتغله باقفله واشتغل سلسلتين لبداية السطر الجديد
3- اشتغل علي طول الي ان اصل للطول المناسب لحجر البنطلون وطبعا اعمل حساب البامبرز يعني اعمل حجر كبير وطويل
4- بعد كده اعد غرز الدوران كله واقسمها علي اتنين واعمل سلسله بعرض الحجر المطلوب
يعني مثلا الدوران 20 سلسله اشتغل 15 سلسله واشبكها في الغرزه العاشره بالشكل ده
5- ثم اشتغل بداية السطر واعمل سطر جديد بس المره دى مش كل الدوران لكن لحد النص وامشي علي السلسله اللي عملتها لحد مااوصل لاول السطر واقفلو و ابتدى سطر جديد بالشكل ده
6- ابتدى اشتغلي رجل البنطلون الي ان تصلي للطول المطلوب للبيبي
اذا كنتي عاوزه البنطلون ينزل علي ضيق يمكنك ان تقللي كل سطر غرزه يعني تسيبي غرزه ماتعمليهاش في كل سطر هينزل علي ضيق اما لو عاوزه رجل البنطلون واسعه سيبيه زى ماهو
7- اشتغل رجل البنطلون التانيه وبرضه مااشتغلش الدوران كله ولكن لما اوصل للسلسله اشتغل عليها من عند السلسله واكمل الدوران زى الرجل الاولى
وفي الاخر تشتغلي سلسله طويله وتدككيها في البنطلون علشان يكون مظبوط علي الطفل
او تدككي البنطلون باستيك عريض وتقفليه
