السلام عليكم عدولات
النهاردة هنزل باذن الله بقيت موضوع حلويات العيد بتاعتى مقادير بسيطة ان شاء الله
هبداء بالكحك بصراحة كدة انا فضلت افكر ازى اعمل كحك زى الجاهز وقدرت والحمد لله ان اعرف السر الحلوانى مش بيحط على مقادير الكحك ريحة الكحك ولا ريحة الموز ولا البرتقال حقيقى والله جربى مقاديرى وهتعرفى ان كحكى احسن من الجاهز
المقادير
كيلو دقيق _ كيلو الا ربع سمنة يعنى 750 جرام _ معلقة سكر _ذرة ملح _ لبن للعجن نص كيلو _علبة قشطة _قطعة خميرة _ربع كيلو ملبن مكسرات حسب الرغبة
الطريقة
نقدح السمنة على النار _ نضع السكر والملح على الدقيق وننزل بالسمنة مع العجن وبعدة ننزل بالخميرة مع العجن لمدة 5 دقيق وبعدة ننزل بالبن حبة حبة ومعة القشطة ونستمر فى العجن لحد ما العجينة بتعتنا تلم ونتركة تخمر لمدة ساعة او اتنين نبتدى فى التشيكل حسب الرغبة
والتسوية على درجة حرارة متوسطة ودى النتيجة
تانى طريقة وهى الغريبة
كوب سكر بودر _فانليا _3كسات دقيق متوسطين _ كوب سمنة والتزين حسب الرغبة
طريقة التحضير
نضرب السمنة مع السكر والفانليا بالمضرب الكهربائى جيدا لحد ما يبقا هش
وننزل بالدقيق مع العجن ونبدا بالتشكيل بس كدة سهلة صح ودى النتيجة
البيتى فور والسابلية
البيتى فور والسابلية عجينة واحدة بس انا بستخدم الزبدة فى السابلية وسمنة للبيتى فور
المقادير كوب سمنة_ كوب سكربودر_ بيضة _فانليا _3 كسات دقيق
الطريقة
نضرب كل المكونات جيداللوصول للقوام المطلوب الهش
وبعدة ننزل بالدقيق بعد الانتهاء من العجن نترك العجين لمدة 5 دقيق فى الثلاجة ونبتدى التشكيل درجة حرارة التسوية متوسطة
ودى النتيجة
كدة خلصت سمحونى حسة ان الموضوع ملخبط البت ساندى على رجلى مش عارفة اعمل حاجة
فى رعاية الله
موضوع غاية في الروعة
تسلم ايدك يا شيف
تم التقييم *****
سلمت يداكي غاليتي
والموضوع حلو قوي وربنا يخليلك أﻷموره ساندي
يجننوا تسلم ايديكِ يا شيف
بألف هنا ليكوا
كل سنة وانتوا طيبين وبخير
واحلى تكريم لكِ ♥
ياريت تشاركى بمواضيعك الحصرية دى معانا فى المسابقة دى
|
|
|
|
صباح الفل يا عدولات تسلمولى على رددكم الجميلة