بصوا يا قمرات أنا بشتري أي حاجة بايظة خاصة بالكمبيوتر يعني مازربورد من أي نوع حتي لو بنتيم 1 أو 2 أو 3 أو 4 حتي لو بنتيم زيرو. أي كروت شاشة أو كروت صوت أو كروت فاكس أو لان أو أي كروت بايظة. أي بروسيسورات أورامات بايظة. أي كيسات فاضية. أي شاشات بايظة أو سي دي روم وحتي الماوسات والكيبوردات البايظة.
وعلشان في ناس عايزة تعرف بشتريها ليه في تاجر خردة صاحب زوجي بيحتاجهم. الأول زوجي كان بيجيب له من المكاتب أصحابة بس المرة دي هو عايز كميات كبيرة فقلت أعرض الموضوع عليكوا علشان أنتوا كمان تستفيدوا وبدل ما ترموا الحاجات دي في الزبالة أهو تستفيدوا منها بأي حاجة وفي نفس الوقت تروقوا تحت السرير وفوق الدولاب والبلكونة (اللي هي أشهر الأماكن اللي الشعب المصري بيحط فيهاالكراكيب اللي مش بيهون عليه يرميها.
أنا بقول تاني أهو بايظة يعني مش عايزة حاجة سليمة ولاشغالة لأني مش عايزاها أصلحها دا أنا هبيعها خردة.
الأسعار اللي هشتري بيها هاكتبها أهو علي العام علشان يبقي الكل عارف:
المازربورد (البايظة) 10 جنية للقطعة
الكروت البايظة من أي نوع (صوت- شاشة- Lan-faxأو أي كروت تاني 1.5 جنيه للقطعة
الهاردات أي نوع أو مساحة 3 جنية للواحد
الشاشات 14 و15 بوصة (البايظة أو المحروقة) 15 جنية للشاشة
الشاشات 17 و20 و21 بوصة (البايظة أو المحروقة) 20 جنية
الكيبورد التالفة 1 جنية
الماوس التالف 50 قرش
الباور سبلاي 3 جنية
الكيسة الفاضية 5 جنية
واللي عندها حاجة تانية غير المكتوب هنتفق علي سعرها سوا إن شاء الله.
وعلشان أنا نزلت الموضوع ده بس كان بخصوص المازربورد بس وخدت كلام زي الفل من الناس اللي كانت فاكرة إني هشتري الحاجة البايظة بسعر الجديد بفكركم يا جماعة أنا باخد حاجات بايظة مش شغالة عملالك كركبة علي الفاضي ومصيرها الزبالة. وطبعا السعر ده أحسن من أي سعر هيديهولك بتاع الروبابيكيا.
وعلشان متقوليش الحاجة تمنها ما يستهلش أنزل من بيتي وهدفع أكتر من تمنها مواصلات أنا يا ستي مش هقولك اتحركي خطوة من بيتك. هبعتلك مندوب لحد باب البيت ياخد منك الحاجات دي. وعلشان في ناس معترضة أن المندوب راجل واحدة ست مش لازم تفتحيلة الباب يا جميل. معظم مكونات الكمبيوتر صغيرة ممكن يتصل بيكي وهوتحت البيت تنزليلة الحاجة في السبت أو حتي حطيها في كيس قدام باب الشقة وهو هيحطلك كالفلوس من تحت عقب الباب. ها في أريح من كده؟؟؟
يلا كل واحدة تبعتلي عندها ايه علشان نحسب مع بعض السعر وتبعتلي عنوانها بالتفصيل علي الخاص بس ياريت بوصف دقيق علشان المندوب يعرف يوصل بسهولة ورقم تليفون اللي هيكون موجود في البيت والمعاد اللي بيكونوا فيه موجودين.
المندوب يا جماعة مش بينزل غير يوم السبت والثلاثاء من كل أسبوع.
يلا مستنياكوا وربنا يوفق الجميع
هههههههه
كنت بعتلك الحجات ومش بايزه كلها
بالتوفيق لك
|
جزاك الله كل خير
|
عنيا ليكي أجيلك البحرين يا قمر 