فطير مشلتت فى البيت من مطبخى محبه لله بطريقة سهلة وبسيطة
فطير مشلتت فى البيت من مطبخى محبه لله بطريقة سهلة وبسيطة
ازيكم يا عدولاتى الحلوين ربنا يسعد اياكم كلها انا عملت فطير مشلتت بس طلع طعمه روووعة فقلت لازم افدكم وتجربوا انتوا كمان يلا نبدا بسم الله
المقادير
حوالى 3 كوبيات ونصف دقيق وملعقة ملح عليهم
كوب ونصف الى حوالى اتنين كوب الا ربع ماء او لبن دافئ حسب ما انتى عايزة انا جربت الاتنين وطلعوا حلوووين
زبدة وزيت وتقلبيهم على بعض وتكون الزبدة مش سايلة ولا مجمدة يعنى تفتيتيها بيدك فى طبق وتحطى عليها الزيت وده شكلها
الطريقة
نضع الدقيق فى حاجة غويطة وعليها الماء او اللبن الدافى تدرجيا المهم ونعجن بايدينا كويس بس خلى العجينة تكون بتلزق بسيط فى ايديك علشان تقدرى تبططيها كويس ومتقعدش تلم تانى معاكى
بعد كدا نقسم العجينة حوالى اربع كور او خمسة عادى مفيش مشاكل كل ما يكون عددالكور اكتر الفطيرة بتطلع مورقة وجميلة
بعد كدا ناخد كورة كورة ونضع تحتها رشة دقيق ونبطط بايدينا شوية ثم نجيب النشابة ( العصاية المدورة اما ايد اللى بنفرد بيها العجينة )
ونرش رشة خفيفة دقيق على الوش ثم نفرد كويس بالنشابة
ثم نلف بايدينا العجيينة وندور فييها حتى توسع الدايرة معانا وترق العجينة خالص
وبعدين ندهن الترابيزة سمنة على زيت ونضع عليها الفطيرة ونشد فى الاطراف اللى ان تصبح رفيعة جدا ثم ندهن على الوش زبدة وزيت ونعمل كورة كمان بنفس الطريقة ثم نضعها على الطبقة الاولى وندهن ونشد
ثم نطبق العجينة من كل ناحية مع دهنها بالزبدة والزيت كلل مانطبقق جزء
وبعدين نلم العجينة تانى ونعملها على شكل دائرة ونبطط فيها فى الصنية المدهونة وتدخل الفرن
وديه وهيا فى الصينية
وديه شكلها بعد ما خرجت من الفرن
يارب يعجبكم وبالف هنا
تم التقييم
نفسى اجربه بجد
ان شاء الله هعمله بطريقتك
تسلم ايدك حبيبتى
مبروك التكريم
