كان يا مكان ولا يحلا الكلام الا بذكر النبي عليه افضل الصلاه والسلام
كان فيه ماما الارنوبة وولادها الارانب التلاته
عايشين في الغابة الكبيرة في كوخ صغير جميل
في يوم من الايام خرجت ماما ارنوبة للسوق علشان تشتري الاكل للغدا
وقالت لاولادها الارانب متفتحوش الباب علشان التلعب المكار ميأكلكوش
المهم ماما الارنوبة خرجت وراحت السوق وفضلت الارانب التلاته قاعدين في الكوخ بيتفرجو علي الكارتون
وفجاه دق الباب
دق دق دق
الارنب الكبير قال متفتحوش الباب زي ما ماما قالتلنا ونسمع الكلام
الارنب المتوسط قال ماشي يا اخويا
بس الارنب الصغير مسمعش الكلام وقام فتح الباب
والتعلب المكار اكله
فضلت اخواته الارانب تعيط لحد لما ماما الارنوبة رجعت وسالتهم ليه وقالولها اللي حصل
ومن كده نتعلم يا اطفالي الحلوين اننا نسمع كلام ماما واللي اكبر مننا علسان هما شايفيين مصلحتنا كويس
..
وتوته توته فرغت الحدوده
حلوة ولا ملتوته ؟
في امان الله 
ضي القمــر
|
منوراني يا جميلة
