كلمة قبل ما تبدئي تقري:انا عارفه ان الكلام كتير اوي المرة دي
بس والله العظيم والله مش رغي ع الفاضي
دا اهم واجمل كلام ممكن تسمعيه
مفيش حاجه تشغلك عنه
مفيش حاجه تستاهل انك تنشغلي او تكسلي تقريه
بالله عليكي انا عملاه عشانك عشان تقوي ارادتك لرمضان
ساعدي نفسك واقري
هنتكلم عن حاجه عمرنا ما اتكلمنا عنها كتير قبل كده لا من بعيد ولا من قريب
سبحان الله مع انها هدفنا الاساسي
حتى المقصرة مع ربنا وحتى الغافل
هدفنا كلنا ايلي لو دورتي جواكي هتلاقيه موجود
بس يمكن اتنسى
او جه عليه شويا تراب
او يمكن يئستي انك توصليله
او يمكن مجاش ع بالك اصلا
او يمكن مش متخيله انه هدف يستحق تعيشي وتموتي عشانه
حيرتينا معاكي يابنت الحلال قولي ايه هو وخلصي؟؟
مش عارفاه؟؟ لا انتي اكيد بتهزري
اكيد تعرفي ان هدفي وهدفك وهدفها وهدفه وهدف كل الناس هو
الجنـــــــــــــــــــــــــــــة
دا هدف مشترك بينا
بس الفرق مين بيسعى عشانه ومين لا
مين علطول الهدف دا قصاد عينه ومين اول مرة يسمعه دلوقتي او حتى لما سمعه قال ايوة صح فكرتيني دانا كنت سرحانه عنه
مين ربنا حققهولها وكتبهوله خلاص من دلوقتي ومين ايلي لسه وياعالم
ايوة كل المسلمين كل امة محمد عليه الصلاة والسلام داخله الجنه
بس مش كلهم هيدخلوها من اول مرة للاسف
في ناس كتير هتعدي ع النار الاول والعياذ بالله
تعالو نحلم
تعالو نتخيل ونسرح
تعالو نعيش ايلي هيحصل يوم القيامه لحظة دخول الجنه
مش هيكون من خيالي ولا خيالك
لا دا مذكور في القرءان والسنه وهتشوفوا
انتي دلوقتي خلصتي مرحلة تطاير الكتب والحساب ووزن الحسنات وعديتي الصراط كمان بسلام الحمد لله والحمد لله انتي من اهل الجنه
(خدي بالك كل مرحلة من دول عايزلها محاضرة طويله نتكلم عنها بس انا حبيت الاول نتكلم عن اجمل حاجه وعن هدفنا )
المهم انتي دلوقتي واقفة ف مكان الصراط وراكي وبتقولي الحمد لله ربنا نجاني منه
الجنة ليها 8 ابواب
[IMG]https://files2.*******.com/2019/7/13730386472618.jpg[/IMG]
ياترا انهي باب هيندهلك عشان تدخلي منه
في ناس ال 8 ابواب كلها هتنده عليهم
بتبصي قصادك لقيتي باب كبير اوووووووووووووووي وشكله جميل طبعا جدا جدا
ايوة باب الجنة
طب ياترا انتي واقفة لوحدك؟؟
اكيد لا طبعا
حواليكي زحمممممممممممممة
يوه بقى زحمة تاني حتى ع باب الجنة مش هنرتاح من الزحمة ابدا؟
لا استني انتي فاكرة انك هتكوني مضايقة من الزحمة دي؟؟
لا طبعا اصلا المسافة هتكون كبيرة جدا جدا جدا فوق ما تتخيلي
( إن ما بين مصراعين من مصاريع الجنة بينهما مسيرة أربعين سنة وليأتين عليها يوم وهي كظيظ من الزحام )
انتي دلوقتي خلاص اطمنتي ع نفسك انك خلاص واقفة ع باب الجنة ايلي لسه مقفوووووووووول
وبتبصي ف الناس حواليكي
شايفة مين
ايه دا سيدنا ابراهيم اهو ابو الانبياء وابو بكر الصديق اهو اول مرة اشوفه كمان ودا سيدنا عمر بن الخطاب ودي السيده عائشة والسيده خديجه اهم
ايه دا بابا اهو وماما كمان الحمد لله يارب ان محدش مننا وقع في النار دول وحشوني اوي الموت كان مفرق بينا كتير
واولادي كمان وزوجي الحمد لله يارب اني اطمنت عليهم
وصحبتي كمان مش دي البنت ايلي وقفت جنبها ياما ف صلاة التراويح اهي وصلت بالسلامه للجنه
ودي كمان البنت ايلي كنت بحبها في الله وعمري ما قابلتها ف الدنيا الحمد لله هندخل كلنا سوا
ايه دا سيدنا يوسف اهو الله كان نفسي اشوفه اوووووي دا فعلا جميل فوق ما كنت اتخيل سبحانك يارب
وفجأأأأأأأأأأأأأة
والناس كلها كده واقفة مش عارفين يفتحوا الباب وكل الانبياء بتقول برده لست لها لست لها
فجاة وانتي واقفة تلاقي رسول الله عليه الصلاة والسلام جاي يعدي من جنبك رايح ع الباب ويقول انا لها انا لها
قال عليه الصلاة والسلام والحديث عند
مسلم في الصحيح: {أنا أكثر الأنبياء تبعاً يوم القيامة، وأنا أول من يقرع باب الجنة }
وعند مسلم في الصحيح: {آتي باب الجنة يوم القيامة، فأستفتح فيقال لي: من؟ فأقول: محمد فيقول: بك أمرتُ ألا أفتح لأحدٍ قبلك }
اهو سامعة رسولك حبيبك بيخبط ع الباب بيده الشريفه (يابخت الباب)
وحد بيرد عليه من جوا
ياترا دا صوت مين الحلو دا
دا صوت خازن الجنة رضوان عليه السلام بيقول مين على الباب؟
الرسول عليه الصلاة والسلام بمنتهى التواضع يرد عليا: محمد
يرد عليه الخازن: ربنا امرني مفتحش لحد الا ليك انت
ويبدا يفتح البااااااااااااااب
وسيق الذين اتقوا ربهم إلى الجنة زمرا حتى إذا جاءوها وفتحت أبوابها وقال لهم خزنتها سلام عليكم طبتم فادخلوها خالدين وقالوا الحمد لله الذي صدقنا وعده وأورثنا الأرض نتبوأ من الجنة حيث نشاء فنعم أجر العاملين وترى الملائكة حافين من حول العرش يسبحون بحمد ربهم وقضي بينهم بالحق وقيل الحمد لله رب العالمين
(الزمر)ياترا شعورك ايه دلوقتي؟؟
ماسكه ايد مين وانتي واقفة؟
ياترا هتدخلي ف المجموعات الاولى ولا هتدخلي متاخر شويا؟
طب ايه رايك كده لو انتي واقفة ولقيتي الرسول عليه الصلاة والسلام جاي يقولك تعالى انتي مكانك مش هنا مكانك قدام معايا
أقربُكم مني مجلسًا يومَ القيامةِ أحسنُكم خُلُقًا.. صدق رسول الله
قال رسول الله صلى الله عليه وسلم : أول زمرة تدخل الجنة على صورة القمر ليلة البدر ، و الثانية على لون أحسن كوكب دري في السماء لكل رجل منهم زوجتان ، على كل زوجة سبعون حلة يبدو مخ ساقها من ورائها.
شايفة وشك انتي زي القمر ليلة تمامه
متخيله القمر ايلي بينور الصحراء كللللللللللللها وينور كل االرض مع ان بينا وبينه ملايين الاميال والمسافات
ياترا هتعملي ايه اول ما تدخلي؟؟
تبكي من الفرحه
ولا تسجدي سجدة شكر
ولا هتنطي وتجري من السعاده وتحضني حبايبك
هتعملي ايه وانتي خلاص رجلك بقت ف الجنه
ياااااااااااااااااااااااااه
ايه الريحه الحلوة دي
ايه الوجوه المنوره المشرقة دي
ايه الضحكة الحلوة دي
ايه الصوت دا اسمعي كده
قال النبي صلى الله عليه وسلم: (( إذا دخل أهل الجنة الجنة ينادى منادٍ: إن لكم أن تحيَوا فلا تموتوا أبدا وإن لكم أن تصِحُّوا فلا تسقموا أبدا , وإن لكم أن تشِبُّوا فلا تهرموا أبدا, وإن لكم أن تنعموا فلا تبأسوا أبدا )) رواه مسلم .
ايه دا يعني خلاص مفيش حاجه اسمها موت تاني ابداااااااااااااااااااا لاي حد خلاص
ومفيش حاجه اسمها انا تعبانه عندي صداع عندي كحة عندي مرض لا خلاص مش هتعب تاني ابدا لا جسديا ولا نفسيا
ايه دا كمان مش هكبر تاني ابدا يعني سني هيقف ع كده 33 سنه كل اهل الجنه نفس السن محدش هيكبر ولا يصغر خااااااالص مش هعجز وجلدي يكرمش
وكمان ايييييييه نعيم للابد خلاص مفيش ولا لحظة حزن علطول هيكون بالي مرتاح وفرحانه دانا كنت ف الدنيا ليل نهار ادعي ربنا يريح بالي ويفرح قلبي دلوقتي خلاص مش هشيل هم لاي حاجه ايلي هتمناه هلاقيه من قبل ما اطلبه
بالله عليكم يابنات
دنيا ايه ايلي تخليكي تنشغلي عن فرض ربنا ومتصليش؟؟ انتي ف وعيك؟؟ ليكي عقل بجد .. متزعليش مني بس مستغربة ازاي بعقلك وبايدك تضيعي الجنه
ازاي تقدري تقولي يارب ادخل الجنه وانتي الصلاة مش قادره عليها وتقيله عليكي لحد دلوقتي ؟؟
كفاية سرحان بقى يلا عشان تدخلي القصر بتاعك
ـ الجنة بناؤها لبنة من فضة و لبنة من ذهب و ملاطها المسك الأذفر و حصباؤها اللؤلؤ و الياقوت و تربتها الزعفران من يدخلها ينعم لا يبأس و يخلد لا يموت لا تبلى ثيابهم و لا يفنى شبابهم . *
(صحيح)
تخيلي بقى حاولي
القصر اهو طوبة دهب وطوبة فضة والمونة بينهم عبارة عن المسك .. تخيلي الريحه وتخيلي النور
والحصى هو اللؤلؤ والياقوت
ايلي بيتباع بمئات الالاف وبالملايين كمان
هيكون مجرد حصىىىىىىىىى في قصرك
للاسف مهما قعدنا نتخيل مش هنعرف
قال النبي صلى الله عليه وسلم: (( قال الله تعالى : أعددتُ لعبادي الصالحين ما لا عين رأت , ولا أذن سمعت , ولا خطر على قلب بشر .
واخده بالك من كلمة اعددت؟؟
احنا دلوقتي عمالين نتخيل ونحلم
خيالي وخيالك وخيالنا كلنا لو جمعناه ع بعض برده مش هنوصل للصورة الحقيقيه للجنه ايلي هي اجمل من كل التخيلات
باقي الموضوع:
مين؟؟
مين اقل واحد واقل منزلة في الجنه ؟؟
مش واحد مننا باذن الله بس تعالي اعرفي اقل واحد هياخد ايه عشان تقولي الله سبحان الله اومال احسن واحد هياخد ايه واحنا ايه؟؟
والله يا رب، فيعطيه ربه المواثيق فيقربه، فينظر إلى نعيم الجنة، قال: يا رب! أدخلني الجنة!! فيتبسم عليه الصلاة والسلام، فيقول الله: ويلك يا ابن آدم ما أغدرك أما أعطيتني العهود والمواثيق بأن لا تسألني شيئاً، فيقول: يا رب! لا تجعلني أشقى خلقك فيدخله الله الجنة، فيقول الله له: تمن، فما يزال يتمنى والله يذكره حتى تنقطع به الأماني، فيعطيه الله عز وجل خمسة أمثال ما تمنى } وفي حديث أبي هريرة : {عشرة أمثاله } لأن الحديث رواه أبو هريرة وأبو سعيد وهو في الصحيحين .
ادني اهل الجنة منزلة
هو اخر واحد من المسلمين هيخرج من النار والعياذ بالله
وكل ما ييجي يخرج النار هتشده ويتحرق تاني
ياترا دا عمل ايه ف دنيته؟
مكانش بيصلي؟؟
ولا كان سرحان عن ربنا بالعيال والدنيا؟
ولا عمل ايه؟
هيطلب من ربنا : يارب اخرجني من الناااااااااااار
ربنا سبحانه وتعالى هيرد عليه ويقوله هتطلب حاجه بعدها؟
هيقول : لا والله يارب لو خرجت خلاص مش هطلب اي حاجه تانيه
ربنا هيخرجه فعلا وبعد ما يخرج هيبص ع ابوب الجنه وهيقول: يارب قربني من الجنه اقعد على بابها
ربنا سبحانه وتعالى هيرد عليه ويقوله هتطلب حاجه بعدها؟
هيقول : لا والله يارب لو خرجت خلاص مش هطلب اي حاجه تانيه
فعلا ربنا يقربه
الراجل يبص كده وهو قاعد ع الباب يبص ع الجنه من جوا ويشوف الناس الفرحانه والنعيم ودا بيلعب ودا بيجري ودا في النهر ……. يارب ادخلني الجنه
ربنا سبحانه وتعالى هيرد عليه انت مش قولت خلاص مش هطلب تاني ؟
يارب لا تجعلني اشقى خلقك [IMG]https://files.*******.com/smilies2019/smiley-sad.gif[/IMG]
بصي بقى رحمة ربنا ايلي جاية دي: هيطلب منه ربنا عز وجل ويقوله تمنى.. عايز ايه في الجنه بتحلم بايه ؟
يبدأ الراجل يقول كل ايلي نفسه فيه عايز كذا وكذا وكذا وكذا وووو لحد ما يخلص خاااااااااااااالص
وهيبدأ ربنا يفكره بحاجات تانيه مقالهاش وكان نفسه فيها وبعدين يقوله انت ليك في الجنة مثل اكبر ملك من ملوك الدنيا
اكبر ملك من ملوك الدنيا دا يطلع عنده قصور اد ايه ومليارات اد ايه وخدم وملوك ودهب وماس وووووو
طبعا الراجل هيستغرب مش هيستغرب كرم ربنا طبعا لا هيستغرب لانه عارف نفسه وحش اوووووووووي ودا كتير اووووووووووي عليه لدرجة انه هيقول لربنا سبحانه وتعالى : اتهزأ بي وتسخر مني يارب وانت رب العالمين؟
ربنا الكريم يقوله انت ليك مثل ملك ملوك الدنيا ومثله ومثله ومثله ومثله .. الراجل هيقوله رضيت يارب رضيت
ربنا يقوله انت ليك مثل الدنيا وعشرة امثالها
يااااااااااااااااااااااااااه
دا اقل واحد؟؟
اقل واحد؟؟
سبحانك يارب
بيعمل معانا كده ليه ؟؟
اقل واحد دا يمكن يكون سفك دماء ناس ف الدنيا او ارتكب فواحش شديده جداااا ومع ذلك يسامحه كده ويدخله الجنه
دا الراجل كان مستعد يقعد ف الجنه في حتة اقل من متر ويبقى رضا اوووووووي وكتير كمان عليه
شايفين كرم ربنا؟؟
بيعمل كده معانا ليه؟؟
لسه مش مصدقة انه بيحبك
مش مصدقة انه عشانك انتتتتتتتتتتتتتتتتتتتتتي انتي انتي ايوة انتي علشانك خلق الجنه بيده
معلش يعني انا مين ولا انتي مين اصلا عشان ربنا عز وجل بنفسه يعمل الجنه
ماهو كان ممكن يقولها زي اي حاجه تانيه كن فتكون
ماهو قادر ع كده ف ثانية او برده كان ممكن يأمر الملايكه هما ايلي يعملوا الجنه
يروي الإمام الذهبي رحمه الله عن عبد الله بن عمر رضي الله عنهما قال : ( خلق الله أربعة أشياء بيده : العرش ، والقلم ، وآدم ، وجنة عدن ، ثم قال لسائر الخلق : كن فكان )
الجنة كل يوم بتتزين عشانك انتي
في ناس الجنه بتشتاقلهم .. انتي متخيله؟؟
ليه متكونيش منهم؟؟
قال رسول الله صل الله عليه وسلم .
من سئل الله الجنة ثلاث مرات قالت الجنة اللهم أدخلة الجنة ومن أستعاذ من النار ثلاث قالت النار اللهم أعذه من النار .
رواه الترمذى و النسائى بسند صحيح
داحنا بنتكلم عن اقل واحد في الجنه
ان شاء الله كمان احنا مش منهم خاااااااااااااااالص
بصي الحديث دا
لَقابُ قَوسٍ في الجنَّةِ خيرٌ مما تطلع عليه الشمسُ…الراوي: أبو هريرة المحدث:الألباني
قاب قوس يعني ايه؟ يعني نص الدائرة
يعني الرسول عليه الصلاة والسلام حبيبك ايلي هيشفعلك بيقول انك حتى لو ملكيش ف الجنه غير حتة ارض متر في متر .. فدا افضل من الدنيا وما فيها
فاهمه؟
الدنيا مش وحشه ع فكرة بالعكس الدنيا فيها متع كتير اوووووي اووووووووووووي اومال ليه بتظهر الفتن ماهو بسبب متع الدنيا
يعني ايلي بيسعى للمال والفسح والخروجات والاولاد والاكل والشرب والسفر والرحلات … متع كتير اوووووووووووووي بجد
تخيلي ان متر في الجنه افضل من كل دا ؟؟
تخيلي لو انتي ملكه من ملوك الدنيا وعندك قصوووووووور ومجوهرات وعربياااااااات وملابس فخمة وشاليهات ع البحر في ارقى الاماكن ويخت في النيل ومليارات الدولارات .. تخيلي
تخيلي ان متر في الجنه تقعدي فيها متتحركيش احسنلك من كل دا دا اصلا كمان لو فعلا ليكي المتر وبس
لا دانتي ليكي اكبر من كده بكتيييييييييييييير اذا كان اقل واحد له اكتر من الدنيا دي كلها 10 امثال
هيكون حاله ايه؟؟
طب انتي عارفه ان متر الدنيا اصعب من متر في الجنه؟؟
ازاي يانسمة مش فاهمه
انتي دلوقتي لو عايزة تشتري شاليه ع البحر عشان تصيفي فيه كل سنه مع اولادك ولا لو عايزة تشتري شقة ع النيل ولا لو عايزة حتى تشتري او تأجري شقه في فرنسا او البلاد الحلوة دي
تفتكري المتر هيقف عليكي بكام؟؟
هتقعدي تحوشي فلوس كام سنه عشان تعرفي تشتريها دا ان عرفتي؟؟
لكن المتر في الجنه بقى؟؟ مش بفلوس لا
دا بدمعة من عينك وبقلبك خشية من الله
دا بركعتين في جوف الليل
دا بالقرءان ايلي هيشهدلك يوم القيامه ويشفعلك
دا بالتوبة والاستغفار
دا بصبر على مرض او مصيبة
دا بصدقة
دا بكفل يتيم
دا بركعتين صحيتي مخصوص وقاومتي نفسك عشان تصلي الفجر
دا بدعوة من قلبك بجد : ياااااااااااااااااااااااارب ما تحرمني من جنتك [IMG]https://files.*******.com/smilies2019/smiley-pray.gif[/IMG]
لسه مصممة متصحيش تصلي الفجر؟؟
تفتكري الجنة متستاهلش انك تسيبي النوم عشر دقايق
كل ايلي نفسك فيه مجاااااااااااب
نفسك ف ايه؟؟
نفسي اعزم النبي عليه الصلاة والسلام في القصر بتاعي وناكل سوا
واعزم الصحابة كمان وزوجاتهم وزوجات النبي عليه الصلاة والسلام ونتفسح كلنا سوا ونضحك ونهزر
نفسي في الحب
عن علي رضي الله عنه أن رسول الله صلى الله عليه وسلم قال : إن في الجنة لسوقا ما فيها شراء ولا بيع إلا الصور من الرجال والنساء فإذا اشتهى الرجل صورة دخل فيها . رواه الترمذي
انتي مش هتنزلي السوق ايلي ف دماغك دا عشان تشتري الخضار وتتخانقي مع البياعين
لا طبعا
السوق حاجه تانيه في الجنه
دا مكان تاني خالص
مش انتي نفسك في الحب؟
خلاص الراجل ايلي يعجبك شاوري عليه
نفسي اكون جميله اوووووووووووي
عن أنس بن مالك أن رسول الله صلى الله عليه وسلم قال إن في الجنة لسوقا يأتونها كل جمعة فتهب ريح الشمال فتحثو في وجوههم وثيابهم فيزدادون حسنا وجمالا فيرجعون إلى أهليهم وقد ازدادوا حسنا وجمالا فيقول لهم أهلوهم والله لقد ازددتم بعدنا حسنا وجمالا فيقولون وأنتم والله لقد ازددتم بعدنا حسنا وجمالا
وَلَوْ أَنَّ امْرَأَةً مِنْ أَهْلِ الْجَنَّةِ اطَّلَعَتْ إِلَى أَهْلِ الأَرْضِ لأَضَاءَتْ مَا بَيْنَهُمَا وَلَمَلأَتْهُ رِيحًا وَلَنَصِيفُهَا عَلَى رَأْسِهَا خَيْرٌ مِنْ الدُّنْيَا وَمَا فِيهَا " رواه البخاري
وايه كمان
مفيش حاجه اسمها انا زهئت او مليت
لالالالالا
إن أصحاب الجنة اليوم في شغل فاكهون هم وأزواجهم في ظلال على الأرائك متكئون لهم فيها فاكهة ولهم ما يدعون..يس
في شغل فاكهون يعني مشغولين بالنعم مش عندهم وقت بيستمتعوا ف كل لحظة بمتعه جديده
تخيلي اصلا المناظر ايلي هتكون حوالين بيتك في الجنه وايلي هتتغير كل شويا
بتحبي المانجه زيي ؟
انا باذن الله ناوية في الجنة ازرع شجرة مانجه باسمي قصاد بيتي
وانتي عايزة ايه؟؟
انا بحب اسافر واشوف حاجات جديده
متهيالي جولة حول الجنة تاخد وقت اد ايه
وانا عارفه ان الجنه كبيرة اووووووووووووووي اكبر مما اتخيل
سَابِقُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ۚ ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ ..الحديد
انا كمان بحب البحر اووووووووي فهجيب يخت في البحر ويكون بتاعي واعزم فيه صحابي في الجنة ونضحك سوا ونهزر ونفرح
بصي بقى اخر حاجه هنختم بيها واجمل من كل ايلي فات والله العظيم لو هي لوحدها بس ايلي ربنا هينعم علينا بيها المفروض نقضي الباقي من حياتنا نحمده وندعيه ما يحرمنا منها
عن صهيب الرومي – رضي الله عنه – : أنَّ رسولَ الله -صلى الله عليه وسلم- قال: «إذا دخل أهلُ الجنّةِ الجنة ، يقول تبارك وتعالى : تريدون شيئا أزيدُكم ؟ فيقولون : ألم تُبَيِّضْ وجوهَنا ؟ ألم تُدخلْنا الجنةَ وتنجِّنا من النار ؟ قال: فيكشف الحجابَ ، فما أُعْطوا شيئا أحبَّ إليهم من النظر إلى ربِّهم تبارك وتعالى». زاد في رواية : ثم تلا هذه الآية : {للذين أحسنوا الحسنى وزيادة} [يونس:26] أخرجه مسلم والترمذي.
لذة النظر الى وجه الله الكريم
ياااااااااااااااااااااه
بجد مفيش كلام ممكن يتقال خلاص
هتفوئي امتى بقى ابوس ايدك
مش عايزة تدخلي الجنة ولا ايه
هتعيشي ف الدنيا كام سنه 60 /70 اخرك 100؟
بس في الجنة خلود هتعيشي الا ما لا نهاية خلاااااااااااص راحه ونعيم وسعاده للابد
حددي مصيرك
متستهونيش متقوليش انا كده كده داخله الجنه حتى لو دخلت النار شويا
اقسم بالله ابدا
الدقيقة في النار باكتر من 50 الف سنه
وياريتها هتكون النار زي ايلي تعرفيها في الدنيا لا ابداااااااا دا لهيبها وحرارتها 70 ضعف من نار الدنيا
{ يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِنْ مَزِيدٍ *ق 30
جلدك هيتبدل فيها كل شويا عشان العذاب يتجدد
ليه ترضيها لنفسك؟؟
اذا كان ربنا هيهديكي الجنه وخلقها عشانك ومكانك فيها يبقى ازاي بعقلك دا متقدريش الهدية؟؟
دا بدل ما تموتي نفسك في الطاعه عشان توصليلها ؟
هو في اجمل من لحظة تحسي فيها ان ربنا راضي عنك؟؟
والله ما فيه
ربنا بيحبك انتي غالية اوووووووووي مترخصيش نفسك انتي بايدك
فوئي بقى كفاية كده اوي كسل
فرصتك جاية رمضان
ادعي ربنا تعيشي لحد ما توصليله
ناس كتير بتموت دلوقتي وخلاص ناقص ع رمضان ساعات
اتجدعني شدي حيلك شويا كده رمضان يعني عتق من النار
اتجدعني شهر 30 يوم وبعدها تضمني باذن الله مفيش نار خلااااااااااااص
هتضمني انك مش هتعملي معاصي تانيه ولو عملتي هتكون صغيرة وربنا هيفكرك بالتوبة علطول
العتق من النار مش حاجه سهله يابنات وعشان توصليله عايزة اراده قوية
ايه خلاص الكسل اتملك منك لدرجة انك مش قادرة تقوي ارادتك للعتق من النار
اعتبري نفسك داخلة مسابقة كمان كام يوم
وهدية المسابقة دي العتق من النار
هتعملي ايه
هتستعدي ازاي
دا حتى في مسابقات الدنيا واحد بس ايلي بيكسب في الاخر
لا
دا ربنا من كرمه ورحمته كل ليلة وكل يوم بيعتق رقاب كتييييييييييير
يعني ليكي فرصة 60 مرة طول الشهر
60 فرصة قصادك
اعملي المستحيل يابنتي دي مساله جنة او نار
مساله حياة او موت
نعيم او عذاب
اختاري
قرري مصيرك بايدك
ياتطلعي من رمضان دا وهو نقلة في حياتك وخلاص ضامنه مفيش نار
ياتطلعي منه زي كل مرة تقولي باذن الله رمضان الجاي يكون احسن
ع اساس انك ضامنه تعيشي ولا حاجه؟؟
انا قولت ايلي عندي وتعبت اووووووووووي عشان اقول الكلام دا وربنا يشهد
ارجوكم بقى فوئوا وكفايه اوي لحد كده
مش هينفع تدخلي رمضان بالمنظر دا بجد
قال تعالى { إِنَّ الَّذِينَ لاَ يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا وَالَّذِينَ هُمْ عَنْ آيَاتِنَا غَافِلُونَ أُولَئِكَ مَأْوَاهُمُ النَّارُ بِمَا كَانُوا يَكْسِبُونَ{يونس
عيشي في الجنة شوية
اتحرمتي من ايه ف الدنيا عشان تعوضيه في الجنة
لو بقت الجنة هدفك اوعي تسمحي للكسل يقرب منك
اما بقى لو مش فارق معاكي خلاص يبقى دا اختيارك خليكي في دنيتك دي مع اولادك وزوجك وشغلك وخلاص بس هتندمي ندم اقوى من البكاء بالدم ووقتها مش هتعرفي ترجعي ايلي فاتك وخليكي فاكرة لما تبصي على ايلي دخلوا الجنة وانتي بعد الشر داخله مكان تاني هيكون شعورك ايه
اقري كلام ربنا وتعرفي ولا ف دي كمان هتكسلي تقري الايات؟؟
( ونادى أصحاب النار أصحاب الجنة أن أفيضوا علينا من الماء أو مما رزقكم الله قالوا إن الله حرمهما على الكافرين ( 50 ) الذين اتخذوا دينهم لهوا ولعبا وغرتهم الحياة الدنيا فاليوم ننساهم كما نسوا لقاء يومهم هذا وما كانوا بآياتنا يجحدون ( 51 ) ( ولقد جئناهم بكتاب فصلناه على علم هدى ورحمة لقوم يؤمنون ( 52 ) هل ينظرون إلا تأويله يوم يأتي تأويله يقول الذين نسوه من قبل قد جاءت رسل ربنا بالحق فهل لنا من شفعاء فيشفعوا لنا أو نرد فنعمل غير الذي كنا نعمل قد خسروا أنفسهم وضل عنهم ما كانوا يفترون ( 53 ) )
نفسك ف ايه يحصل ف الجنة ..احلمي
