مربى الفراولة
عملتها لانى حبيت اعمل سويسرول واعمله من الصفر فى كل حاجة
والحمد لله المربى طلعت جميلة
يا رب تعجبكم
نبدأ بسم الله
المقادير
اكيلو فراولة مغسول ومنزوع الكاسات الخضرا
والفراولة الحمد لله
دة الموسم بتاعها
نصف كيلو سكر
عصير 2 ليمونة
اول خطوة تقطعى الفرواله حسب ذوقك يعنى عاوزة تعملى القطع كبيرة او صغيرة انا حبيتها كبيرة
قطعتها بالطول وحطيت عليها السكر وملاحظة يبقى احسن لو سكر سنترفيش
يعنى سكر خشن وكمان احلى واحلى لو مكنش مكرر اكتر من مرة يعنى بيبقى لونه اغمق من السكر العادى اللى بنستخدمه مع الشاى
ونسيبها حوالى 5ساعات لليله كامله فى الثلاجة هتلاحظى انها بتطلع عصاراتها
تنقلى الفراولة وعصاراتها فى اناء من الاستلستيل او التيفال وترفعيها على النار
واكيد نار هاديه على اساس مش تتحرق منك
هتفور وتعمل رغوة مش تشيليها الا لما تستوى المربى علشان مش تتقللى الكميه اللى عملتيها
تقليب مستمر دائما
وفى السوا ان شاء الله مش هتاخد اكتر من ساعة
بعد ما تخلص المربى شيلى الرغوة المتكونة عليها
واكيد تحفظيها فى برطمانات معقمة
وده شكلها بعد الاستواء
بانتظار الردود والنقد يا قمرات واكيد تشجيع هههه
فى امان الله
و لكن لا تضع الليمون
تسلمي لأني أعشق الفراولة تقييمك جاري
وبحبك أنتي كمان ههههه
طب ونتعب نفسنا ليه والسكر موجود عند همس بكثر
|
