ميعادنا مع استفتاء مسابقه
مسابقة تدبيري من بيتي في هدية مامتي حببيتي
شكرا لجميع المشتركات وبالتوفيق لكن
تابعوني للاخر وشوفوا كل الوصفات وصوتوا
الوصفة الاولى
ازيكم ياعدولات انهاردا عاملالكم حلويات سهله ولذيذة وبالمره تفكركم برمضان
القطائف البيتي
المقادير للعجينة
كوب دقيق
نصف كوب ماء دافئ
نصف كوب لبن بارد
معلقة صغيرة خميرة
معلقة كبيرة سكر
معلقة بيكنج بودر
الطريقة
1- نحط الدقيق في كاسرول غويط ونضيف له السكر والخميرة والبيكنج بودر ونقلبهم,
بعدين نضيف الميه واللبن ونقلبهم كويس,نستمر في التقليب تقريبا 10 دقايق,
2-نسيب العجينة في مكان دافئ تتخمر تقريبا نص ساعه.
3-نحضر طاسه تيفال او عادية وندهنها زيت بمنديل حاجة بسيطة خالص
نحط شوية من العجينة بالمعلقة ونخليها تتفرد تاخد شكل الدائرة,
نسيبها لحد ماتتحمر وتستوي ولازم يطلع منها فقاعات عشان نتأكد انها اتخمرت كويس,
نطلعها من الطاسه ومن غير مانقلبها على الوجة التاني.
ده هيكون شكلها
4-بعد مانخلص كمية العجينه كلها نبدأ نحشيها زي مااحنا عايزين,
مكسرات او قشطة او عجوة,وبعدين نحمرها في زيت غزير على نار متوسطة.
5-نحضر الشربات يكون متوسط(كوب سكر +كوب ماء+عصرة ليمون*)
أو تقيل(كوبين سكر +كوب ماء+عصرة ليمون*)
6-لما نحط القطايف في الشربات لازم يكون حاجة منهم بارده وانا بفضل ان االشربات هو الي يكون بارد.
ونقدمها وبالف هنا وشفا .
طريقة عمل طاجن السجق فى الفرن من مطبخى
المقادير
1/2 كيلو سجق
2 بصلة متوسطة
زبدة
طماطم
ملح – فلفل – بهارات
فلفل اخضر
الطريقة
هنقطع البصل ونحط الزبدة فى حلة ونشوحه فيها البصل لغاية
مايصفر وبعدين نقطع الطماطم ونضيفها للبصل
لغاية ماتدبل خالص ثم نضيف الفلفل الاخضر وممكن الوان
وبعدين نضيف السجق وبعدين الملح والفلفل والبهارات
ونسيبه 10 دقايق على النار
ثم ندخله الفرن لمدة ربع ساعة
وده شكله النهائى
وبالف هنا يارب يعجبكم
دولمة من مطبخي هديتي لامي الغالية دولمة على طريقتي
طبعا الدولمة مفيهاش مقادير معينة وكمان المكونات انااحب احط فيها كل حاجة عندي وحسب الموجود
لكن المكونات الاساسية هي ورق السلق
والبصل زي الي بالصورة والفلفل الاخضر والاحمر والاصفر والشجر (الكوسة) والباذنجان وكله محفور وجاهز لتحشاه
ومكونات الحشو ده الي انا ازيد فيها هو المكون الاساسي الرز واللحمةالمفرومة + قليل من الشحم يديها طعم لذيذ والبصل المفروم وانواع البهارات زي بهارات الدولمة والبرياني والدارسين والكركم وكمان فلفل اسود وبهارات لحم بختصار انا بحط كل انةاع اليهارات الموجوده عندي من كل نوع شوية وكمان منساش وده مهم ملح الليمون عشان يديها طعم حامض لذيذ وملح عادي وانا فرمت بعض اوراق السلق وكمان فلفل ولب الباذنجان الي استخرجنه منه لما حفرته وشوية فلفل وطماطم مفرومة وكمان ضفتلهم معجون طماطم لاني بحبها حمرة
وده بعد ماخلطت مكونات الحشوة مع بعض
بعد كده نبدأ باللف بس الاول نحشي البصل والفلفل والباذنجان والكوسة ونحطهم في قدر مدهون ولو عندك اللحمة فيها عظم مترميهوش خليه بقاعدة القدر وانا كمان احب اخلي اعواد السلق وبعدها البصل المحشي والفلفل والباذنجان وبعدها نرص السلق الملفوف فوقهم
الان صارت جاهزة حتى اضعها على النار
اضيفلها ماء مع معجون الطماطم وده حسب الرغبة
تترك على نار متوسطة في البادية وبعد متنشف ميتها اخليهة على نار هادئة وتستوي بساعة تقريبا
ونقدمها
ويارب تعجبكم
والف هناء وشفاء
وعملت طبق مقبلات من اربع انواع من ايدي هدية مني لكل ام
الي على اليمين سلطة اللهانة والجزر بالمايونيز
الطريقة
لهانة بيضاء مفرومة شرائح ناعمة
جزر مبروش
زبيب
مايونيز
تخلط المكونات مع بعضها
وتقدم
سلطة الخس مع الفلفل والحمص ديه من اختراعي
المكونات
خس مفروم ناعم
حمص مسلوق
فلفل تخضر مفروم ناعم
مخلل خيار مفروم ناعم
طماطم مفرومة ناعمة
زيتون مفروم ناعم
الطريقة تخلظط المكونات مع بعضها ونضيف اليها زيت الزيتون وليمون وخل تفاح وملح
وتقدم
البيتنجانية على طريقتي
شرائح بصل
شرائح باذنجان
شرائح طماطم
شرائح فلفل اخضر
ملاحظة يجب ان تكون المكونات متساوية
تحمر المكونات قليلا كلا على حدة
ونخلطهم ونضيف الى الخليط ملعقة سكر وملعقتان كتشب ونصف ملعقة زعتر وليمون وملح وهذه المقادير لعمل صحن واحد
وتخلط جيدا وتقدم
الحمص بالطحينة
المواااااد
1/ كوبان حمص مسلوق
2/ نصف كوب زيت السمسم (( راشي ))
3/ سن ثوم
4/ لبن نصف كوب
ده المكونات الي بتلاقوها على النت اما انا بضيف عليها
5/ ثلاث ملاعق مايونيز
6/ ثلاث ملاعق زيت الزيتون ولو مفيش 4 حبات زيتون مفرومه
7/ جبن مثلثات عدد 2
8/ قليل من عصير اليمون وده حسب الرغبة واكيد ملح
الطريقققققة
يسلق الحمص ويوضع في الخلاط تضاف اليه المكونات السابقة مع قليل من ماء سلق الحمص
وتخلط جيداً حتى تتجانس وتقدم بارده
وبالهنا والشفا
أحب أقدملكم بسكويت طعمه رائع الصراحه كنت بعمل عجينه لحاجه تانيه وبالصدفه طلع معايا البسكويت ده
ووالدتي حبيته جدا وبالرغم من انها مش كلاسيكيه ومش بتحب الوصفات الجديده الا ان البسكويت ده عجبها قوي واتمني يعجبكم انتو كمان
نبتدي ياقمرات
المقادير
ده للكميات الصغير وممكن نضاعف الكميه براحتكو
1-30 دقيق كوب ونصف
3 معالق سكر عادي مش مصحون
1-2 معلقه بيكنج بودر
1كيس فانيليا لان معظمنا مش بيعرف يجيب الفانيليا السائله فإستخدمت المتاحه للجميع
قطعه من الزبده الصفرا يعتبر معلقه ونص بدرجه حراره الغرفه
1 بيضه
3 معلقه لبن نلم بيها العجين
طبعا انا عملت ضعف الكميه
بصو ياقمرات حطي كله مع بعضه في الكبه وشغليها علي أأقل سرعه
وبعد كده زودي السرعه ببطئ
وماتحطيش بيكنج بودر كتير ولا قليل
الكتير هيخلي العجينه تنفش قوي
والقليل هيخلي العجينه مكبوته
وبرده الزبده كمان
أسيبكم مع الصور
لو حابين تضيف نكهه القرفه او الجنزبيل او الشيكولاته ماشي
اما نكور العجينه نتك عليها تكه بسيطه بصوابعنا
ونسيبها ترتاح ونستخدم صاج حرفه مش عالي
وندهنه زيت
ونسخن الفرن كويس قبل ما نحط فيه البسكويت
نزينه بالشيكولاته السائله ونلزق منه كل اتنين ببعض بالمربي لو حابين
بالهنا والشفا ياحلوين
وبالتوفيق للجميع