كان يا مكان في قديم الزمان و لا يحلي الكلام الا بذكر النبي عليه الصلاه و السلام
عليه افضل الصلاه و السلام
كان في ارنب جميله اسمه طاطا جميل جداً و صغير كان بيحب مامته و باباه اوووي و كان طاطا
ارنب شطور و بيجيب درجات عاليه في المدرسه بتاعته في الامتحانات
و في يوم من الايام .. طاطا اعد في اوضته بليل بعد لما خلص مذكرته و فضل يفكر مع نفسه كده شويه
" انا خلاص عملت وجباتي بقي و زهقت و كل يوم اعمل وجباتي و في الاخر المدرسه تديني علامه كامله و خلاص مفيش حاجه جديده
بقي و المدرسه اصلا ممله و فترات المذاكره بتكون اطول من فترات الفسحه و مبلحقش العب مع صحابي"
فقرر انه يعمل حيله بكره بحيث انه ميرحش المدرسه بكره و قرر انه يعملها كل يوم علشان مامته و باباه ميخليهوش يروح المدرسه
طاطا قرر انه يعمل نفسه عيان علشان يقدر يغيب عن المدرسه
و لما الصبح طلع و الديك ادن في الغابه ..
صحي طاطا و لقي ان لسه فاضل خمس دقايق عقبال لما يصحي فقرر انه يعمل نفسه عيان
و فضل يكح و يكح و يكح و جاب علبه المناديل من جنبه و عمل نفسه كأنه بيعطس كل دقيقه
دخلت مامته عليه و حضنته بعد لما شفته قدامها بالمنظر ده و قالتله
مامت طاطا: ايه يا طاطا يا حبيبي انتا بتعطس كده ليه و بتكح كتير شكلك خدت برد
طاطا: ايوةيا ماما انا فعلا حاسس اني تعبان اووي
مامت طاطا: خلاص ماشي يا طاطا بلاش مدرسه النهارده
طاطا كان فرحان اوووي و اعد يكح و يعطس …
و علي العصر دخلت مامته و معاها ازازاه كبيره و قالت لطاطا
مامت طاطا : خد الدوا ده يا طاطا علشان تبقي كويس و تخف علشان بكره تروح المدرسه و انتا مش تعبان
طاطا: لا يا ماما مش عايز
مامت طاطا : لا يا طاطا يا حبيبي لازم تاخد الدوا ده علشان تبقي كويس
شرب طاطا الدوا بس كان طعمه وحش اوووووي
طاطا: ده طعمه وحش اووي يا ماما
مامت طاطا: معلش يا طاطا بس علشان تخف
طاطا: طيب ينفع يا ماما اروح العب مع اصحابي بقي علشان انا زهقت من الاعده في السرير طول اليوم
مامت طاطا: لا مينفعش يا طاطا لازم يا حبيبي تعد في السرير طول اليوم علشان تخف علشان تروح المدرسه بكره
طاطا: يو بقي يا ماما انا مش عايزة اروح المدرسه دي تاني و عايزة العب مع اصحابي و بس و كمان في المدرسه احنا طول الوقت
بنذاكر بنذاكر و مبنلحقش انا و صحابي نلعب في الفسحه .. انا مش عايز اروح المدرسه دي تاني ابدا
مامت طاطا: لا يا حبيبي انتا لازم تروح المدرسه علشان تطلع انسان متعلم و ناجح علشان مستقبلك و طبعا لازم تلعب مع اصحابك بس انتا لازم تذاكر اكتر علشان تنجح
طاطا: يوووه بقي يا ماما انا افتكرت اني لو عملت عيان و مرحتش المدرسه انتي حتخليني العب مع اصحابي بره طول اليوم و في نفس الوقت مرحش المدرسه
مامت طاطا: كده يا طاطا تكدب عليا انا و باباك و تعمل نفسك عيان علشان مترحش المدرسه
اولا الكدب حرام و خصوصا لما بتكون بتكدب علشان مترحش المدرسه
ثانيا انتا لازم تروح المدرسه علشان تكون شاطر و تكون شخص ناجح في حياتك
طاطا: خلاص يا ماما انا عمري محعمل كده تاني و حروح المدرسه كل يوم علشان ابقي شاطر و عمر محكدب عليكي انتي و بابا تاني
حضنته مامته و قالتله :
اويه كده يا طاطا شاطر يا حبيبي
و توته توته خلصت الحدوته حلوة و لا ملتوته
ان شاء الله تكون عجبتكم
تسلمين