أنا حابة أقولكم شوية حاجات للحصول علي بشرة جميلة بأقل التكاليف
1- يجب عليكي عمل حمام بخار للبشرة مرتين بالأسبوع و ذلك لتنظيف البشرة من الدهون المتراكمة وبعدها لازم تمشي قطعة ثلج من ماء الورد لقفل المسام .
2-إذا كنت تعانين من الهالات السوداء تشتري فيتامين e ، فيتامين c كبسولات من الصيدلية و بتبقي رخيصة و بتكفيكي شهور .. تفتحي كبسولة من كل نوع و تاخدي منهم و تحطي علي المنطقة مع عمل تدليك بسيط .
3- يجب عليكي استخدام كريم ليلي لتجديد الخلايا .. أنا باستخدم كريم غارنيه لتجديد الخلايا و العلبة لونها أزرق غامق
4- تجيبي كبسولة من فيتامين e وتفتحيها و تحطي السائل إللي جواها علي أي كريم مرطب إنتي بتستخدميه و ذللك لتغذية البشرة .
5- إذا كانت بشرتك شاحبة و غير نضرة تجيبي م عسل نحل + 5 نقط زيت ورد وتمزجيهم جيدا و تدهني الماسك علي بشرتك لمدة 30 دقيقة و ده بيغذي بشرتك قوي .
6- إذا كانت بشرتك بتقشر كتير بسبب حب الشباب أو لأي سبب تاني تجبيبي 8 ملاعق زيت مشمش + 5 نقط زيت قرفة
و تدهني منهم بشرتك كل يوم .
7- إذا كنتي تعانين من وجود أي اسمرار في بشرتك إشتري كريم ألدوكين 4% لتتفتيح و ادهني منه مرتين يوميا
و علي فكرة دكتور الجلدية هو إللي قالي عليه
8- لازم تستخدمي واقي شمس من نوع جيد
و لازم تبقي عارفة إن الوجه بعد حمام البخار يكون مستعد لإمتصاص أي علاج إنتي بتستخدميه لبشرتك لإن المسام بتبقي مفتوحة .
و بكل الخطوات ديه ستحصلين علي بشرة في غاية الجمال .
