كيف احوالكم يابنات ياعدولات ,, يارب تكونوا بخير وتمام ..
كالعادة المعروفه عنى هنا فى البيت بحب اغير فى الاكل
,, وعلى رأى أخويا ما احنا فيران التجارب بتوعك
,,
المهم ومن غير رغى 
نخش فى المفيد ::
النهاردة عملت مكرونة بشاميل بس بدل اللحمة المفرومة حطيت كبدة 
هقول ليكم ازاااااااااااى عملتها 
*سلقت المكرونة وغسلتها ..
*وبعدين عملت الكبده (غسلتها كويس اوى بعد ما قطعتها قطع صغيره خالص وتبلتها فى ليمون وبهارات وخضرة وبعدين شوحت بصل وفلفل اخضر وتوم ع النار قلبتهم لحد ما لونهم بئه دهبى وحطيت الكبدة بالبهارات والليمون بتاعها وسبتها تستوى,, )
*بعد كدا عملت البشاميل بأمانة بستخدم خلطة البشاميل الجاهزة طعمها حلوة ومضمونة ..(بحط مكونات الكيس ولتر لبن وتقلبيهم كويس وتحطيها ع النار وتقلبى لحد ما تمسك معاكى ) اشطة كدا
هتجيبى الصنيه وتدهنيها زيت وتحطى طبقة مكرونة وعليهم شوية بشاميل وقلبيهم فى بعض وبعدين تفرديها ..وبعدين تحطى الكبدة .. وبعدين تحطى المكرونة الطبقه الاخيره وتقلبيها مع البشاميل وتسيبى شوية بشاميل تغطى بيها الوش …
* واقلبى ع الفرن لحد ما تحمر ,, وبألف هنا وشفا 
بس بأمانة طلع طعمها جميل جدا وخفيفه كمان ,, وان شاء الله تجربوها وتعجبكم ,,
((كان بودى أصورها بس للأسف معنديش كاميرا موبايل مبحبش التطور 
))
فى أمان الله يا حلووووووووووووووووين
تسلم الايــــــــاااااااادي
بـانــتــظاااار القااااااد م
