عاملين ايه يا بنات ؟
كل سنة وانتو طيبين
يا بنات انا فى حاجة حصلتلى خلتنى مش عارفة انام ولا عارفة حتى افكر
انا يا بنات داخلة 3 ثانوى وانتو طبعا عارفين ان الثانوية العامة محتاجة مذاكرة كتيييير اوووى
وانا قررت انى مش هشغل نفسى باى حاجة علشان دراستى
بس قبل العيد بيومين جه عندنا عم بابا بحجة انه يتطمن على ماما علشان كانت تعبانة وكان معاه مراته وابنه
وانا قعدت معاهم شوية وبعدين سبتهم علشان كنت برتب البيت وكدة
ولما مشيو اتفاجئت ان بابا بينادى عليا وعلى اخواتى وبيقولهم ان عمه عايز يخطبنى لابنه
وبصراحة هو انسان محترم جدااا وامور اووى وهو خريج هندسة وبابا بيحبه جدا وبيحترمه اوى وكمان اخواتى بيشكرو فيه
وهو بابا مبدئيا موافق عليه واخواتى كمان رايهم من راى بابا
وكمان هو قال لبابا ان عمره ما هيشغلنى عن دراستى ابدا وكمان هيساعدنى فى مذاكرتى
علشان اعدى السنة دى واجيب مجموع كويس
بس انا لحد دلوقتى مش قادرة اخد قرار وكل لما اصلى استخارة مش بحلم بحاجة
ومترددة جدااا وخايفة اخد قرار ارجع اندم عليه بعد كدة
ساعدووونى يا بنات انا مشتته اووى ومش عارفة افكر ولا اعمل اى حاجة
ربنا يسعدك
ينقل عدوله محتاره