المكونات :
فراخ ممكن وراك مخليه او صدور مخليه انا عملتها بالوراك
التوابل : ملح فلفل كسبره ناشفه كمون قرفه خشب بهارات بريانى وفصين مستكه ان وجد زعتر من كل اللى فات نص معلقه صغيره
بصله متوسطه مقطعه شرايح رفيعه .. جنزبيل فريش قطعه فى حجم عين الجمل ورق نعناع اخضر و كسبره خضراء الورق فقط كرفس طماطيه وسط مقعه مكعبات صغيره
الطريقه :
يشوح البصل مع الجنزبيل مع الكرفس والبهارات على خفيف يعنى مش تغمقى البصله وبعدين ننزل بالفراخ ونقلب لحد ما لونها يفتح وبعدين ضيفى الطماطم ووطى النار لحد ما نص السوا وبعدين ضيفى النعناع والكسبره متقطعين وسيبها تكمل تسويه غالبا مش هتحتاج مايه وظبطى الملح
الأرز : كوب ارز بسمتى يغسل جيدا و فى الحله حطى عود قرفه خشب وحبه لومى مجفف ومعلقة كركرم على نص كارى وشوية زيت واول ما ريحتهم تطلع ضيفى والماء والملح و اول ما يغلى هدى النار لحد ما يستوى
اغرفى الأرز وعليه الفراخ بالصوص بتاعها وممكن تعملى معاها سلطة زبادى او توميه اللى يعجبك
* ملحوظه لو مفيش جنزبيل فريش ممكن بودر وتضيفيه مع البهارات
