النهاردة هكلمكم على احلى طريقة للحصول على لون موحد وخصوصا اللى عندهم خطوط بيضا نتيجة السمنة او الحمل
كليوباترا كانت بتستخدم الردة فى كيس وتفضل تضغط عليه جوا البانيو لما تطلع روحه ههههههههههههههههههه
انا بقي بعمل بيه كدا +سكروب للبشرة تعالى ورايا
تكونى مجهزة الاتى:-
كيلو ردة
زيت لوز مر
شاور جل بريحة عطرة
طبق بيكربونات صوديوم
لتر لبن
بانيو
جهزتى حاجاتك يا عدولة ورايا على الحمام
هتبلى جسمك بالمية كويس وتستغلى الفرصة دى وتخلطى شعرك بمجموعة زيوت وتلبسي بونيه
تملى الحمام بخار على اد ما تتحملى ماتخنقيش نفسك جوا الحمام وتقولى القطة قالتلى 
تبدئى تخدى بصوابعك كربونات الصوديوم وتمشيها على جسمك بدون دعك انا بقول اهوة اللى هتدعك هى حرة
الدعك فى مناطق معينة زى اييية؟؟؟
الركب فاهمينى والكوع وتحت الابط برضه دعك خفيف والمناطق السودا اياها انتم عارفينها كويس مش عايزة توضيح اكتر من كدا
مليتى جسمك كله بيكربونات صوديوم؟؟؟؟؟؟
تمام
هتخدى شوية مية وتبدئى تحركى البيكربوانت على جسمك بهدوء فى حركات دائرية لمدة من خمس لعشرة دقايق
اغسلى جسمك كويس بالمية بس لو حسيتى بأى حرقان يبقي انتى افتريتى ودعكتى ياشابة
انا حذرت اهوة الدعك للمناطق اللى تتحمل فقط
نجيب نص الردة ونحطها فى كيس من الشاش ونسيب ربعه فاضى ونقفله كويس ونملا عليه البانيو مية سخنة جسمك يتحملها ونسيبه مع اللبن وكل شوية اضغطى عليه طبعا كل دا وانتى واقفة فى البانيو
تمام يا حبيبتى كدا
اخرجيلى برة البانيو وهاتى من الردة مع المية وادعى جسمك بهدوء فى حركات دائرية برضه لمدة من خمس لعشرة دقايق
يلا على البانيو بسرعة هتاخدى برد
اقعدى بقى واسترخى يا كليوباترا
وخلى مخدة الردة تحت رجلك وكل شوية اضغطى عليها لغاية ما لون المية يبقي مائل للبنى
خلى جسمك كله يتشبع بفايدة الردة واللبن
اوعى تقومى من البانيو قبل نص ساعة
يلا خلاص النص ساعة عدت قومى بقي انتى لزقتى
اغسلى شعرك من حمام الزيت ولميه يلا
اغسلى جسمك كويس بشاور جل انتى بتحبيه انا بعشق دوف
اتنشفى كويس جدا وهاتى زيت اللوز المر وحطى منه على كل جسمك
لو عندك زيت جونسون للاطفال على بركة الله
واتفرجى على لون جسمك المخملى الرائع وادعيلى ربنا ييسر حالى ويرزقنى من حيث لا احتسب
|
سبحان الله يا حبيبتى اللبن فيه احماض امنية بتوازن لون البشرة وبتفيد اننا ندارى الخطوط البيضا
والله يا شيخة جمايلك كترت علينا اويييييييييييي
|
جمايل اية يا ام مهند ماتقوليش كدا
دا فضل من ربنا وحرام احبس فضله عليا لازم اقول لكل حبايبي