الموضوع والله زي ما بقلكوا كدا بجد
الحكاية كلها ان بشرتي كانت محروقة ومصفرة كدا مع اني الحمد لله فاتحه يعني
وكنت رحت للعطار اجيب منه خلطة زيوت لشعري فبيقولي وشك شكلة غريب واسود اوي عن ايديك كدا ليه انتي تعبانه؟ قلتله لا الشمس حرقاني زي كل الناس قالى طيب انا عندي صابونه حلوه اوي لأن وشك مزييت كمان خديها جربيها
طبعاً انا قولت ايه الراجل الى عايز يبيعلي بالعافية دا
المهم لقيت تمن الصابونه تقريبا 3-5 ج فقولتله هاتها بجملت يعني مانا واخده حاجات كتير وكنت بجيب غسولات الواحد ب 65 و80 ج ومعملوش حاجه
والصراحه شكيت قالى دي صابونة الغار وطين البحر الميت جربيها وعلى ضمانتي الصراحة اخدتها وروحت
لما دخلت عسلت بيها وشي ونشفت وخرجت لماما والله اتخضت قالتلي انتى داخله تغسلي وشك ولا تحطي بودرة قلتلها والله غسلت وشي مش حاطه حاجه قالتلي وشك ابيض اوي
المهم استخدمتها يوم واتنين وتلاته داخله فى اسبوع اهو والله صحابي سألوني ايه نوع الفاونديشن الجديد الى بستخدمه عشان مخلي وشي صافى اوي وكله سالني افتحيت كدا ازاي وحرق الشمس راح خالص وبقى وشي افتح من ايدي كمان وغير كدا كان مسامي واسعه اوي وبشوفها بعيني مبقتش موجوده واثار الحبوب الى فى وشي راحت من اسبوع استخدام بس كل يوم مرا الصبح ومرا قبل ما انام والله مش ببالغ انا من هنا وراسح مش هستخدم غيرها
وكمان نسيت اقولكم لما بغسل بيها شعري مبيقعش زي ما بغسل بالمشامبو وبردو بينزل كل الزيوت الى فيه وعلى فكرة سهل اوي تلاقيها عند اى محل عطارة قوليله بس عايزه صابونه الغار او صابونه الغار بطينة البحر الميت وادعولي بقى ربنا يرزقني بعريس عسل كدا ويارب اكون قدرت افيدكو
وما تنسوش التقييم
شكرا لك غاليتى
تسلم ايدك ياعسل
دائما اختياراتك مميزه وجميله
انتظر جديدك الممتع
اختك
ريموووو