ليزي كيك Lazy Cake 2024

من اسمها (Lazy) دعوة لكل عدولة كسلانة في الجو المتلج اللي احنا فيه ده ونفسها في حاجه حلوة سريعة وطعمة تعالي اخد من وقتك عشر دقايق بس عشان نعمل سوا حاجة حلوة

بسرعة كده نبدأ بسم الله

هاتي:

3 علب بسكوت دايجستيف او عادي(هنتعبك كسريه في زبدية كبيره شوية)
1 كوب زبدة سايحة
2/3 كوب كاكاو بودره
1 علبة لبن مكثف ومحلى (نستله مثلا)
رشة فانيلا

اخلطي كــــــــــــــــــل اللي فات مع بعضه وسيبيه يتشرب لمدة 10 دقائق كده
هاتي يا بلاستيك تغليف(plastic wrap) او فويل(aluminum foil) افريديه على رخامة المطبخ,حطي خليطك في النص ولفيها على شكل اسطوانة
احكمي اغلاقها من الطرفين وحطيها في الفريزر يعني تقريبا 3 ساعات.

بعد ماتجمد فكي الفويل او البلاستيك وقطعي اسطوانتك شرايح عرضها تقريبا 2 سم

وده هيبقى شكلها

ملف مرفق 2803

وبالهنا والشفا

اتنمى متنسوش التقييم لو عجبكو