حبيت أقدملكم قصه من رسمي انا ويمكن تكون أخر حاجه أقدمها ليكو لأجل لا يعلمه الا الله
كان يا مكان كان فيه زمان مزرعه اسمها مزرعه العمه سوسن
كانت كل يوم الصبح يصحي الديك زقزوق عند الفجر ويدن كوكو كوكو ويصحي كل اللي نايمين
وكانت تصلي العمه سوسن الفجر وتفطر وتاخد أكل الحيوانات بتاعتها وتروح علي الحظيره
وبعدين تروح عشان تحلب البقره وتاخد اللبن وتصنع منه جبنه وزبده وقشطه وتبيعهم في السوق بس هي لقت البقره لسه نايمه ومش عاوزه تقوم فحزنت جدا
فجه العصفور صوصو وقالها ماتزعليش انا هصحيها بمنقاري القوي نقرها بس ماصحيتش
وجه الكلب بوبي وقالها انا هاهوهو بصوت عالي أصحيها بس برده ماصحيتش
وجه الخروف مأمأ وقال انا اللي هصحيها مااااااااااااااااء ماااااااااااء ماااااااااء بس برده ماصحيتش وجه الحما حمرون وقال انا اللي هعرف أصحيها بصوتي العذب العالي الجميل
فصحيت البقره وقالت بسرعه لألألألألألألألألألأ انا صحيت خلاص بلاش بلاش
فقال الحمار حمرون يعني ايه لأ لازم طبعا أنهق ونهق بصوت عالي وكلهم قعدو يضحكو
وتوته توته خلصت الحدوته
وقصه مسليه وجميله
تسلم ايدك يا عسليه