أرجوكم سعدونى أنا عندى كميه بطاطس كبيرة حوالى شيكارة ومش عرفه أعمل فيها ايه جتلى فكرة انى أعرض عليكم الأمر يمكن تفيدونى فى طريقه تخزين مضمونه ومجربه لأن بتبوظ عندى والله كل يوم برمى منها كتير وهى بصراحه خصاره دى هيا فاكهه البيت رجائا أفيدونى
أستودعكم الله وأنا فى انتظار نصيحكم
هيسعدوكي انا معنديش فكره عن تخزين البطاطس
وجبتلك الطريقتين دول
يارب اكون أفدتك
انا جبت كمية كويسة لانها رخيصة طبعا اليومين دول ولازم نوفر
ولا اية ؟
بغلى ماية على اد الكمية اللى هحطها فى الكيس وبعد ما اغسلة وقطعها واغسلها تانى طبعا بقطعها صوابع واغسلها تانى زيادة تاكيد
واحط على الماية المغلية فنجان خل واحط البطاطس واسيبهم يغلوا غلوتين
وبعدين اطلع البطاطس تتصفى كويس اوى اوى خطوة مهمة
وبعدين احطها بالاكياس وعلى الفريزر
ودة شكلها بس بعد ما اتفرزت ماشاء الله
عملت منها تانى يوم احلى من الجاهزة الف مرة .
**** بصي يا ست الكل انا برده جبت كمية بطاطس كتيره تقريبنا 20كيلو عملت ايه جبت سببت اللي هو بتاع الخضار والطماطم وحطيت فيه جرايد قديمه بتاع 5ورقات كده وبعدين كم ورقه بيضه علشان حبر الجرايد وحطيت فيه من النص كرتونه يعني قسمته نصين نص حطيت فيه البطاطس الكبيرة ونص البطاطس الوسط تمام وعندي طبق بلستك كبير حطيت فيه البطاطس الصغيرة خالص الللي هي للسلق بس …وانا عن نفسي حطيت السبت تحت الرخامه بعيد عن المايه وفقيه الطبق البلاستك وكل كام يوم اطلعه في الهواء شويه علشان ولا رطوبه ولا عفونه ولو المكان متهوي خلاص مفيش داعي تشيلي وتحطي ولو عندك بلكونه حطيه فيها
الأولى ودى بعملها عشان ماعندى غرفة معيشة فى البيت بجيب قفص بلاستيك كبير او خوص انتى عارفاه طبعاواضع فيه طبقة قش رز ممككن تشترى بالة قش من اى فلاح وبعدين طبقة بطاطس واحدة جنب التانية لحد ماتمليه وغطيه بالقش
الطريقة التانية ممكن تجيبى ردم (تراب شراقى)من اى ارض زراعية يكون جاف وتحطى منه تحت البطاطس على الارض وتغطيها كويس بالتراب ده