إختبــــــــار المياصه لطلبة مدرسة الغفر الابتدائيه بنات 2024

امتحان على دروس المياصه زي ما اتفقنا هنا في اخر مشاركه
https://vb.3dlat.com/showthread.php?t=60365

كل مايصه عينها فى ورقتها وممنوع الغش
وآخر معاد لتسليم الاجابات هو يوم الاربع

والطالبه اللي مش هتحضر هتطلع بدور تاني

واسماء الطالبات هما المشتركين معايا من دروس المياصه واللي حضروا معايا الدرس الاول والتاني والتالت
ومفيش مانع ان اي مستجده تجد فى نفسها القدره على المياصه والاجابه تتفضل معانا
ياللا نبدأ

____

امتحان الجزءالاول من دروس المياعه

مدرسة / (مياصه آيس كريم مصاصه) الابتدائيه للبنات بكفر الغفر
الصف الاول الميصوصي
تمنح الطالبه الاولى شهادة تقدير
ويتم تقدير تميزها بناءاً على مياصة اجاباتها

إمضاء مديرة المدرسه
دلوعة هوبا حبيبي

________

الســـؤال الأول

ضع علامة صح أو خطأ مع تصحيح ما تراه خاطئاً

1 _ حينما تستيقظ الغفيره
(عفواً البنوته)
اول ما ستصيح به في اذن زوجها هو
اصطبحنا واصبح الملك لله اما اقوم احضرلكم الطفح واشوف شغل البيت؟

2 _ حينما تتحدث الغفيره يوووه البنوته مع زوجها او خطيبها بالهاتف وتنقطع الشبكه
تصرخ قائله الشبكه عندك زززززززفت لما تتعدل ابقى كلمني انا طفحت !!!

ايه حكاية الطفح في السؤالين مع الغفر انا مش فاهمه بصراحه!
ما علينا خلينا فى الامتحان !!!

3 _ حينما يخرج الزوج من المنزل الى عمله على الغفيره ان تصيح قائله /
ابقى هاتلنا معاك اتنين كيلو فاكهه وانت راجع بقالنا شهرين مجوعنا كان يوم اسود يوم ماتجوزتك؟!

4 _ حينما تجلس الغفيره امام زوجها لمشاهدة التليفزيون ستقوم بكلكعة كحكة رأسها العجيبه
بأستك بنطلون ابنها الصغير وهي تربع قدميها وتلهط قطع البطيخ محدثه صوتاً عجيباً يفزع من حولها من اكل البطيخ؟

_____________

السؤال التاني

إختر الاجابه الصحيحه من بين الاقواس

وجبة الافطار يجب ان تكون كل يوم

( على السفره ، عالطبليه والجرنان مع البصل والمخلل وراس توم _على الارض _في البلكونه مع شاي وكرواسون)

حينما تجلس البنوته بجانب حبيبها

(تقعد تكلمه فالمصاريف _ تحكيله عالمسلسل التركي _ تشتكي من امه واخواته الشكوى المره طبعا _ تتدلع عليه وتتمايص)

حينما يفعل طفلك شيئا يغضبك فى وجود جوزك

( هضربه بالجزمه _ هصوت واقوله طفحتني انت وابوك _ هقوله عيب يا حبيبي بابا يزعل منك _هبص لجوزي بمياصه واقوله هستحمله عشان انت باباه)

________________