عدولاتي العزيزات معادنا انهاردا مع استفتاء مسابقة مطبخ عدلات
مسابقة مطبخ عدلات (تعالي ياعدولة شاركينا وصفتك )
شكرا لجميع المشتركات وبالتوفيق لكن
تابعوني للاخر وشوفوا كل الوصفات وصوتوا
الوصفة الاولى
ازيكم ياقمرات
عاملين ايه؟
النهاردة موجود معانا أكلة فيليه سمك وسبيط مقلي
مع أرز بالكركم
نصف كيلو فيليه سمك
نصف كيلو سبيط
بهارات سمك من عند العطار
ملعقة كبيرة ماستردة
عصير 2 ليمون
ثوم بودر
للتغطية
فتات خبز
سمسم حطى كتير لان بيدي طعم جنان
دقيق
بيضتين وعليه 3 ملاعق كبيرة لبن وملح وفلفل أسود
حطى البهارات والماستردة وعصير الليمون والثوم البودر علي الفيليه والسبيط وقلبي كويس واتركيه بالخلطة لمدة ساعتين
حضري مقادير التغطية قدامك بالترتيب الدقيق وبعدين البيض باللبن وبعدين فتات الخبز وقلبي عليه السمسم
غطي الفيليه بالدقيق وبعدين البيض وبعدين فتات الخبز بالسمسم
سيبيه في الثلاجة لمدة نصف ساعة أو الفريزر ربع ساعة
طلعيه وضعيه في زيت غزير ساخن
طلعيه على ورق نشاف
وقدميه في السرفيس
مع أرز بالكارى أو بالكركم
أنا عملته مع أرز بالكركم لانه بيبقي مناسب مع الأطفال
لان الكارى بيبقي تابل حار
وطبعا معاه السلطة وبصل أخضر
وكاتشاب
وبالهنا والشفا
نشوووووووووووف الصور
وده الشكل النهائي لسفرتنا اتفضلوا معانا
وبالهنا والشفا ياعدولات
أرجو ان يكون طبقي عجبكم
تابعوني للاخر
الكسكسي اللذيذ .
كسكسي روعة من مطبخي .
طريقة الكسكسي بسهولة .
المقادير :
نصف كيلو دقيق _ واحد ونصف ماء _ ذرة ملح _ 5معالق كبار سمنة
ويفضل زبدة _ سكر مطحون للتزيين .
الطريقة :
نقوم بوضع الدقيق في طبق .
نحضر نصف كمية الماء يعني كوب الا ربع
ونبدا برشه علي الدقيق تدريجيا ونفرك الدقيق
بكف اليد بين الرش حتي يصبح بهذا الشكل.
ثم نقوم بضرب الدقيق في الكبة ولو مش عندك قومي
بضربه في مطحنة الخلاط حبة بحبة الي ان يصبح
بهذا الشكل .
قومي بوضعه في قطعة من الشاش بهذا الشكل .
ضعي الكسكسي الموضوع داخل الشاش في حلة الكسكي
ولو مش عندك ضعيه داخل مصفاة وضعي المصفاة
داخل حلة بها ماء وضعيها علي النار لمدة 45 دقيقة .
بعدها قومي بوضع الكسكسي في طبق وقلبيه
حتي يبرد وبعدها قومي برش باقي كميه الماء
عليه بنفس الطريقة وضعيه مرة اخري في
الكبة ثم داخل الشاشة ثم رديه داخل الحلة
واتركيه ايضا 45 دقيقة .
بعد ذلك قومي بوضعه في الطبق وقلبي عليه السمنة
وهو ساخن ليتشرب كله جيدا .
وده الشكل النهائي للطبق بعد تزيينه بالسكر .
وبالهناء والشفاء .
يتبع…
صباح/مساء الورد يا عدولات
انهاردة قررت انزلكم وصفة لحلو لذييييذ جدا انا دايما بطبخو وقررت اشاركم وصفتى اللذيذة بالصور والشرح
ودى صور للمكونات
ونعجنهم تمام بالمعلقة الخشب او بايدينا ونحط الفورماسيه
ونجيب صينية صغيرة ونرشها بالدقيق
ونجيب العجينة ونبدا نكورها كور كور ونرصهم فوق الصينية
ونحطهم شوية لغاية ما يخمروا يعنى نسيبهم ساعة واحدة عالاقل
وبعدين نقليهم على نار هادية لغاية ما يستووا كويس
وبعديها غمزيهم فى الشربات وتكونى عاملاه قبل ما تعملى الوصفة وبعدين بالهنا والشفا مممممممممممم
ودا شكلها النهائى
وطلعت طعمها تحفة جدا واتمنى تجربوها وممكن ترشوا مكسرات من فوق
تابعوني
من مطبخي حمام محشي ,حمام محشي من مطبخي
بنحضر الحمام على حسب اعداد الاسره
هنا انا غسلته كويس ونقعته بملح وليمون
وبعدين تبلته بالبصل المبشور والملح والفلفل الاسود
ونسيبه في التتبيله دي مده لاتقل عن ساعتين عشان الحمام يشرب من التتبيله دي
وبعدين نجهز في رز الحشو انا حشيته برز وكبد وقوانص الحمام
الاول بندبل بصل مبشور مع معلقه سمن وبعدين الكبد والقوانص عليه
وبعدين لما يتشوحو نضيف القليل من الارز المغسول
ونسويه نصف سوا
وبعدين لما يبرد نحشي الحمام
ومنحاولش نملاه قوي نسيب فراغ لان الرز لسه هيستوي
وبعدين لما نخلص باقي الحمام نخيطه بالابره والخيط عشان ميفكش وهو بيتسلق
وبعدين نجهز ماء مغلي به ورق لورا وحبهان
ونسقط الحمام فيه
شوفوا هينتفخ ازاي وهو بيتسلق
ونسويه
ولحد اما يستوي عملت ارز مفلفل
حمرت نصف الارز بالسمن وزيت الذره
ولما يحمر ضفت باقي الارز
ونصبخه عاااادي جدا
ودا صورته بعد الطبخ
وعملت كمان ملوخيه ناشفه انا كمان اللي منشفاها بنفسي عشان اضمن نضافتها
وحمرت الحمام
ودي كانت صوره الاكل كله
ودا الحلو بتاعنا كمان
أولادنا كلنا بيحبوا اللانشون وطبعا عارفين أضراره فبنحرمهم منه 
أو فيه مننا بيخضع لهم 
ويجيبه عشان خاطرهم وانا عرفت طريقة لعمل اللانشون جربتها ولقيت شكله وطعمه رائع 
والأولاد عندي حبوه 
وطريقته سهلة جدا
أولا المقادير
3 بيضات
3 قطع جبن نستو
3 ملاعق كبيرة دقيق
3 ملاعق كبيرة زيت طعام
ملعقة كبيرة بابريكا
فصين ثوم
فصين حبهان
مكعب مرقة دجاج
فلفل أسود مطحون
قليل من الملح
ملحوظة : يمكن وضع لحم دجاج مفروم أو لحم مفروم والاستغناء عن المرقة لرفع القيمة الغذائية
ثانيا الطريقة
1 – نمزج جميع المقادير بالكبة أو الخلاط وبتصير بعد الخلط مثل العجينة السائلة نوعا ما
2 – نضع الخليط على بلاستيك رول أو داخل كيس بلاستيك شفاف ويلف كما بالصورة
3 – يلف داخل ورق فويل
4 – يوضع في حلة على النار بها ماء مغلي وتترك تغلي لتنضج حوالي نصف ساعة
يوضع في الماء ورق لورة وفلفل أسود والتوابل المحببة
ملحوظة : في حالة وجود لحم تطول المدة ربع ساعة أخرى
5 – بعد النضج تترك لتبرد وتقطع وتقدم للأطفالنا الحلوين وبالهنا والشفا
بالتوفيق للجميع