السلام عليكم ورحمه الله وبركاته
مســائكم // صبــاحكم رضى ومحبـه
محاضرتنا إنهارده بتتكلم عن الشعر
وطريقة الاعتناء بيه
أسماء المشتركات
مريم العسل السكر
ميرو القمر
ايمان مجاور
Ana crazy
ام سكر
♥عائشة قدوتي♥
بسكوته بالشوكولا
طم طم 2024
mycat
قصة شتا
ندى ام
مامى 2
الشعر هو تاج المرأة، وهو الذي يعبر عن أنوثتها وجمالها
هنبدأ الاول بالروتين اللى هنمشى عليه :
. مساج لفروة الشعر وتسريحه مرتين فى الصباح وعند النوم.
.تهوية الشعر يعنى مش طول اليوم حاطه عليه ايشارب او عاملاه كحكه لاء
لازم تسيبيه مفرود لمدة ساعه على الاقل علشان يتنفس .
. حمام زيت او حمام كريم مره فى الاسبوع .
. عمل ماسك للشعر مرتين فى الشهر .
. غسل الشعر مره او مرتين اسبوعيا .
.قص اطراف الشعر كل 3 شهور .
تعالوا بقه نتكلم عن بند بند :
اولا تمشيط الشعر وعمل مساج يوميا :
.دلكى شعرك اولا بطريقة خفيفة بأصابعك حتى يتهيئ لعمليه التمشيط ( عمل مساج لمدة 10 دقايق ) لتنشيط الدوره الدوميه و
لتقوية فروة الرأس ومنع تساقطه
يفضل استخدام أحد الزيوت الدافئة أثناء التدليك لتسهيل حركة اليد ولتليين الشعر ويساعد الدفء على تخلل الزيت للطبقة الخارجية للشعر،
. نستخدم مشط خشب
ويراعى عند تمشيط الشعر بالمشط الخشبي أن يتم تمشيط الشعر بداية من الأطراف، ثم إلى الجذور.
لا تستخدمى فرشاه شعر او مشط مبلل على شعرك لان هذا يضره كثيرا ولكن هذا لا يعنى ان تهملى نظافة الفرشاه والمشط بل حافظى على نظافتهم حتى لا يتم ايداع الاتربه والاوساخ التى بالمشط على شعرك مرة اخرى
يمكنك استخدام الفلايه مره واحده يوميا لتمشيط الشعر
ثانيا تهوية الشعر :
المشكلة هى انك لا تعطي لشعرك فرصة لكي
يتنفس ويتعرض للهواء والشمس، أعطى لشعرك نصف ساعةاو ساعه يوميا ليتنفس فإذا قمت بإبعاد شعرك عن الهواء والضوء فسيذبل كما تذبل الوردة.
ولو استطعتى البقاء تحت أشعة الشمس الغير مباشرة، والتي تكون بعد الساعة الثالثة عصراً لتهوية الشعر ده افضل علاج للشعر
ثالثا عمل حمام زيت او حمام كريم للشعر :
حمام الزيت:
هو عملية لتعويض الشعر . للذي فقد الحيوية واللمعان . كذلك فأنه مفيد جدالفروة الرأس ويساعد على زيادة نمو الشعر وخصوصا إذا إستخدمتيه عزيزتي الجميلة بالطرقة الصحيحة .
الطريقة :
1: تقسيم الشعر الى أربعة اقسام .
2 : وضع الزيت على فروة الرأس وصولا الى أطراف الشعر كل قسم على حدا حتى نهاية الرأس واحرصي على ذلك .يجب ان تسخني مجموعة الزيوت المستخدمة قليلا
3 : عمل المساج الخفيف لفروة الرأس للتأكد من وصول الكريم أو الزيت الى جميع أقسام الشعر.
4 : تغطية الشعر في غطاء بلاستيك .
يجب ان يترك الزيت على الشعر لمدة اربع ساعات متواصله .
ومن ثم شطف الشعر بشامبو خفيف وبشكل جيد حتى لا يبقى الزيت معلق في الشعر .
حمام كريم :
اولا كل واحده لازم تكون عارفة طبيعة شعرها ايه و تشوف ايه اللى يمشى معاها يعنى ممكن تلاقى الناس كلها بتشكر فى نوع معين و تروحى و تدفعى فيه فلوس اد كده و بعدين تلاقيه وحش جدا معاكى هى الناس دى كلها ما بتفهمش يعنى ولا ايه؟؟ لاء انتى شعرك مختلف عنهم عشان كده مش مناسب ليكى عشان كده نصيحة اللى تشترى حاجة لاول مرة تجيب العبوات الصغيرة الاول مفيش داعى تستعجلى و تجيبى العبوة كيلو
تانى حاجة يستحسن كل فترة تغيرى نوع حمام الكريم اللى بتستخدميه و كذلك الشامبو و البلسم لان بعد فترة الشعر بيتعود عليه و بتلاقى انه ماعدش ليه تأثير على شعرك زى الاول فممكن تغيرى و تستخدمى نوع تانى و بعدها ترجعى للنوع اللى كان مريحك لو حابة
انواع واسعار واسماء حمام الكريم:
TRESemme : عبوة 500 مل بحوالى 80جنية.
FASH KOOl :فاشكول العبوة الكبيرة ب 90 جنية كبيرة
و فى منه عبوة اصغر تقريبا نص كيلو ب 47 .
Biopoint : باويوبوينت العبوة ب 35 جنية.
LORYS : لوريس العبوة بتاعته كبيرة كيلو و فى منه انواع كتير ب 40ج.
Les Karite : كارتيه العبوة 500 مل ب 30 جنيه و فى منه عبوات صغيرة ب 8 جنيه تكفى مرة او مرتين.
Ego : ايجو ايطالى ب 25 .
بوناويل
BONAWELL فى منه 3 عبوات الكبيرة 500 مل ب 22 جنيه و العبوة الاصغر 250 مل ب 15 جنية و فى اكياس صغيرة تكفى مرة ب 3.5
فاتيكا
VATIKA
هيربال
Herbal
هير دو
Hair Do
حمام كريم دوف Dove
هير كير Hair care
ثالثا : عمل ماسك للشعر :
الماسك الاول:
اخلطي بيضة واحدة جيداً وأضيفي إليها ملعقة كبيرة من زيت الزيتون وامزجيهما جيداً حتى تتجانس، ثم طبقي المزيج على شعرك اتركيه لمدة ساعة أو ساعتين وبعدها قومي بغسل الشعر جيداً بالماء والشامبو الخاص. كرري الماسك مرة كل شهر او مرتين وستلمسين تغيراً رائعاً على شعرك حيث سيصبح لامعاً وبراقاً، فالبيض رائع لتقوية الشعر لاحتوائه على البروتينات التي تساعد على بناء الشعر التالف.
الماسك الثانى:
ملعقة عسل، وعلبة لبن زبادي، بالإضافة إلى ملعقة مايونيز تخلط جميعها وتطبق على الشعر وتترك لمدة ساعتين ثم يغسل الشعر بالماء والشامبو الخاص.
كرري هذا الماسك مرة كل شهر او مرتين وسيصبح شعرك مفعماً بالحيوية واللمعان والجمال.
رابعا : غسل الشعر
افضل طريقه لغسل الشعر
هو انك تضيفى مقدار الشامبو المناسب لشعرك الى مقادر من الماء
وتغسلين شعرك بالشامبو المخفف
غسل الشعر مره او مرتين في الأسبوع:
إذا كان شعرك طويلا، كثيفا أو مموجا يمكنك أن تغسليه من مره الى مرتين في الأسبوع حسب الحاجة، فهذه النوعية من الشعور تكون عرضة للجفاف بشكل اكبر لان فروة الرأس تحتاج إلى مجهود اكبر لتوصيل الزيوت إلى أطراف الشعر.
وقد نقوم بغسله قبل أن تصل الزيوت إلى الأطراف لذلك يفضل تركه بعض الوقت حتي تمنحي شعرك الفرصة لليونة الطبيعية
غسل الشعر ثلاث مرات في الأسبوع:
يمكنك سيدتي غسل الشعر ثلاث مراتا اذا كان من النوع القصير أو الخفيف حيث يكون عرضة إلى الدهون والأوساخ بشكل أسرع من العادي وذلك لان فروة الرأس تقوم بإفراز دهون بشكل أسرع مع الشعر القصير والخفيف.
خامسا قص اطراف الشعر كل 3 شهور :
ضرورة قص أطراف الشعر 3 أو 4 مرات على الأقل فى العام، لما يمثله ذلك من إنعاش لفروة الرأس ويعطى الشعر قوة ويحميه من التقصف. وذلك لمنع اطراف الشعر المتقصفه من التأثير على باقى الشعر . و يساعد على نموه على نحو أسرع
ودى بعض الصور المساعده لقص نهايات الشعر التالفه :
المطلوب بقه يا عدولات :
. بتستخدمى شامبو ايه ؟ بتغيري نوعه كل ما يخلص ولا لاء ؟
. بتغسلى شعرك كام مره فى الاسبوع ؟
. بتستخدمى مشط نوعه ايه ؟ خشب ولا بلاستيك ؟
. بتسرحى شعرك كل قد ايه ؟
. بتهتمى بالماسكات وحمام الزيت ؟
. بتهوى شعرك ولا لاء ؟
. مشكلة شعرك ايه ؟
. ايه اللى ناقص فى الموضوع وايه اللى عاوزانى اقولك عليه علشان يساعدك للاعتناء بشعرك ( اسم كريم نوع زيت اشم شامبو اى اى حاجه قوليلى عليها )
الا انا دماغى نملت من كتر التفكير والتجميع هههههههه
تكملة الدرس
لتعرفي نوعية شعرك
رقم المشاركة : ( 27)
حل مشكلة شعر مقدمة الرأس
رقم المشاركة : ( 28 )
الطريقة الصحيحة لإستخدام السيشوار او البيبي ليس
رقم المشاركة : ( 30 )
البلسم و الروتين كامل بالتفصيل
رقم المشاركة : ( 36 )
لعلاج قشرة الشعر :
رقم المشاركة : ( 37 )
. بتستخدمى شامبو ايه ؟ بتغيري نوعه كل ما يخلص ولا لاء ؟
كلير والله منا فاكرة اسمة لانى بجرب كتير دوف كان تحفة وايوة بغير كل مرة
. بتغسلى شعرك كام مره فى الاسبوع ؟
مرة فى الاسبوع فى الشتاء 3 مرات
. بتستخدمى مشط نوعه ايه ؟ خشب ولا بلاستيك ؟
بلاستيككنت ناوية اشترى خشب
. بتسرحى شعرك كل قد ايه ؟
مرتين
. بتهتمى بالماسكات وحمام الزيت ؟
اة بهتم
. بتهوى شعرك ولا لاء ؟
بصراحة مش اووووى
. مشكلة شعرك ايه ؟
مقصف خالص وبيطول بصعوبة بعد مقصيتة
موضوع رائع
كل الانواع بغير كل شويه
دوف ……. فاتيكا …… سباركل ……. بانتين
. بتغسلى شعرك كام مره فى الاسبوع ؟
مره واحده
. بتستخدمى مشط نوعه ايه ؟ خشب ولا بلاستيك ؟
خشب وبلاستيك للاسف مش قادره استغنى عن البلاستيك لكن بعد المحاضره دى هستغنى تماما
. بتسرحى شعرك كل قد ايه ؟
بسرحه يجى اربع خمس مرات فى اليوم بس فى بحثى وانا بعمل الموضوع لاقيت انه غلط
فخلاص هسرحه مره الصبح ومره بالليل
. بتهتمى بالماسكات وحمام الزيت ؟
بعمل حمام زيت وحمام كريم بس مره واحده فى الاسبوع
. بتهوى شعرك ولا لاء ؟
اه بهويه من بعد المغرب تقريبا لحد الساعه 9 لان الوقت ده بكون خلصت شغل البيت وقاعده مش ورايا حاجه
. مشكلة شعرك ايه ؟
مشكلتى ان شعرى طويل وتقيل مش بعرف الفه
بهتم بلف القصه بس وباقى شعرى اغلب الوقت بيبقه كحكه وخلاص
حاولت بكافة الطرق انى الفه لكنى فشلت فشل زرررررررررررررريع
واحلى 5 نجوم
. بتغسلى شعرك كام مره فى الاسبوع ؟مره واحده
. بتستخدمى مشط نوعه ايه ؟ خشب ولا بلاستيك ؟خشب
. بتسرحى شعرك كل قد ايه ؟مره واحدة الصبح
. بتهتمى بالماسكات وحمام الزيت ؟لاء
. بتهوى شعرك ولا لاء ؟كتير
. مشكلة شعرك ايه ؟انه خفيف وناشف