انهادره جايبالكو تورته سهله جدا جدا وجميله جدا جدا
لكل اصدقاء اللي طلبوا حلويات سهله
بيتهيالي مافيش اسهل من كده
هانشتري تورته ميل فاي جاهزه من اي محل خامات الحلواني ودول بقوا منتشرين قوي في كل حته
وهو متوافر فى محلات هاتلاقي في ماي واي
نرجع للميل فاي هاتجيبي التورته بتبقي عباره عن 3طبقات وبتبقي مغلفه بالشكل ده
نجيب معاها ربع كيلو كريم باستري سايب
مش عارفه في منها في السوبر ماركت ولا لا
نعاير الربع كيلو بيطلع تقريبا كوبايتين
نحط لكل كوبايه كريم باستري كوبايه وربع لبن جهينه او اي ماركه تانيه بس مش لبن سايب
يعني الربع كيلو هاياخد كوبايتين ونص لبن
ونقلب بالمعلقه مش شرط مضرب خاااااااااااااالص
في الاول هاتبقي سايله
وبعد التقليب قوامها هايبقي تقيل بالشكل ده
نحط واحده ميل فاي وعليها نص كميه الكريم باستري
ونوزعها كويس بالتساوي
ونحط طبقه الميل فاي التانيه وفوقها باقي كميه الباستري كريم
ونحط طبقه الميل فاي التالته وعلي الوش نزوق بالشكل اللي نحبه
انا اكتر حاجه باحبها المربي بادهن الوش كله مربي وازين الاطراف بوردات كريم شانتي
لكن وانا باعمل اتفاجات ان مافيش مربي
فعملت كريم شانتي وحطيتها علي الوش بالشكل ده
وعملت خطوط بالشكولاته وعملت فيها تموجات زي كده
وزينتها بالكريز
صدقوني طعمها رهييييييييييييييب وسهله جدا
كل الناس بقت تقولليي انتي عاملاها ازاي طب جايبه الخامات منين
سابوا كل الاكل والتورتات واتهبلوا عليها
مع اني عملتهم في الوقت الضايع وقلت اهو حاجه تدي منظر وخلاص
ومن ساعه ماعرفتها واانا باعملها علي طول لكل قرايبي
ورخيصه جداجدا بتتكلف حوالي 25 جنيه
هاااااااااا اية رايكووو
عايزة احلى تقييييييم منكم
والى اللقاء فى طبق جديد
منورررة ياحبيبتى
يااااااااا بسبوسة
|
روعه
موضوع ممتاز
وليكى احلى تقييم