زهقتى من الشعر والرؤوس السواء فى منطقة الانف 2024

إزيكم يا بنات
من غير كلام كتير هندخل ع التفاصيل
الحكايه وما فيها محتاجين بياض بيضه وقطنه ودمتم سالمين
القطنه تكون متوسطه السمك يعنى لا نحيفه ولا سميكه فى المعقول وكمان لا تكون كبيره ولا صغيره يعنى تقريبا فى مقاس المكان اللى هتحطيها عليه وهو الانف طبعا ومعاه الجانبين المتدارين اعلى منطقة الفم واللى هنقوم بشد القطنه من احداهما والحكايه اننا بعد ما ظبطنا حجم القطنه سمك ومقاس نغمسها فى بياض البيضه ونضعها على الانف وما حوله
او تدهنى المكان بياض البيض وبعدين تثبتى عليه القطنه بسرعه يعنى تشتغلى بسرعه قبل ما بياض البيضه ينشف قبل ما تحطى القطنه لان الاساس كله ان القطنه تلزق فى المكان فشوفى الطريقه الانسب ليكى ايه واللى تحسى من خلالها ان القطنه اتثبت كده وبقت عامله ذى ما تكون ملزوقه بصمغ
ونتركها من10:5 دقايق وطبعا هى هتلزق فى المكان وبعد كده نشدها بسرعه وعلى مره واحده اما من احد الجانبين او من اسفل لاعلى وباذن الله هتلاقيها شالت الشعر الناعم والرؤس والنقط السودا اللى كانت بتضايقك فى المكان ده وانا بالفعل جربتها وشوفت فى القطنه حاجات بعد ما شلتها يعنى لالحظت الفرق من اول مره وبعدها تمررى عليها مكعب تلج او مكعب ماء الورد وبس