قريت كتير وسمعت اكتر عن زيت الزيتون وفوايده واللي شجعني حديث
الرسول عليه الصلاة والسلام اننا ناكله وندهنه
فاتشجعت وقلت سنة وثواب وأجر وبصراحة ماقريتش كتير ولا كان في دماغي اني عاوزة اتعالج بيه من الناحية الجمالية
فهقولكم تجربتي بالتفصيل وكمان المعلومات اللي قريتها عنه بعد كده واللي خليتني بدهنه كل يوم وان شاء الله عمري ما هستغنى عنه ابداااااااااااااا
تجربتي
أنا بشرتي مختلطة يعني حته دهنية وحتة جافة والأماكن الجافة في الشتا بتقشر والأماكن الدهنية في الصيف بتطلعلي حبوب
غير أثار الحبوب اللي لونها بني
كنت كل يوم قبل ما انام ادهن وشي كله وعنيا برموشي وشفايفي بزيت الزيتون (سواء للشعر أو اللي بنجيبه للأكل المهم يكون نوع كويس)
وانام على طول
يعني كنت بحطه وأنا قاعدة على السرير أو أدهنه وأنام على طول
لأن الزيت ممكن يسيح ويدخل في عنيا فبيعملي زغلله
مع العلم أن حوالين عنيا تجاعيد كتير وثنايات كتير أوي بسبب أن عنيا ساعات بتحرقني أو تاكلني فبدعك فيها جامد ومنظر عنيا كان مديني سن أكبر ومنظر مزعج جداااااااااا
فضلت حوالي أسبوع على هذا الحال
النتيجة:
لاحظت سبحان الله بعد 3 أيام أن حوالين عنيا مشدودة بطريقة ملحوظة
وشي مشدود ومورد
شفايفي موردة وطرية
أثار الحبوب الغامقة أبتدت تختفي بشكل ملحوظ
اللهم لك الحمد يارب العالمين
المعلومات اللي قريتها لما عملت عنه بحث في جوجل:
هي معلومات كتير أووووووووي لكن هقولكم على المعلومات الخاصة بالبشرة والجسم لما بندهنه عليها
1_بيصل للطبقة العميقة للبشرة ويغذيها مع العلم ان هذه الطبقة لا يصل اليها الا غذاء الجسم فقط ولا يصل اليها الماسكات ولا الدهانات الخارجية
لكن سبحان الله زيت الزيتون بيوصلها
2_يقضي على التجاعيد الموجودة
3_يحارب التجاعيد قبل حدوثها فهو واق جيد جداااااااااااا
5_بديل طبيعي وآمن لمرطبات البشرة
6_يفضل وضعه على البشرة بعد التعرض للشمس لانه يزيل اي اثر ضار للشمس
7_وقبل أي فايدة فهو بركة وذكر في القرآن الكريم وأمرنا حبيبنا النبي عليه أفضل الصلاة والسلام بأكله ودهانه وكمان الرسول صلى الله عليه وسلم كان بيدهن بيه وجهه الكريم كل يوم يعني وضعه يكسبنا الحسنات
(سبحان الله )
وربنا يمتعنا بصحتنا وجمالنا طول عمرنا يارب
ويشفي كل مريض عاجلا غير اجلا يارب العالمين
منقوووووووووووول