ان شاء الله هنعمل مع بعض انضف والذ واسهل بسبوسة كفاية انها من ايدك ياقمرة
وطبعا انتي الي عاملاها وضامنه نضافتها ،وكل مكوناتها موجودة في كل بيت عشان كده سهلة وكمان سريعة
هتخليكي عمرك ماتشترها من بره تاااااني.
المكونات:-
دقيق سميد جاهز للبسبوسة ممكن الي بكيس او علبة
علبة زبادي كبيرة
فنجان لبن
سمن بلدي او نباتي
نص معلقة شاي بيكنج باودر
للشربات او القطر(كوب سكر+كوب ماء+ عصير نصف ليمونة)
نحط كوب السكر وكوب الماء علي النار لمده ربع ساعة ونضيف عصير الليمون ونتركة يبرد
ملحوظه:- شربات البسبوسة بيكون خفيف مش زي الكنافة تقيل عشان تقدر تشربة بسهولة[/SIZE]
الطريقة بأذن الله مفيش اسهل منها :-
-نحضر مكوناتنا كلها جنبنا زي كده عشان مننساش حاجة زي كده
نفرغ محتويات العلبة او كيس السميد في وعاء ونحط عليه نص معلقة البيكنج باودر وثم السمن و الزبادي وفنجان اللبن ونقلب كويس
بمجرد ان تمتزج خلاص علي كده كله تماااام البسبوسة مش بتحتاج تقليب كتير والا هتطلع مكتومة
وبعدين ندهن بس الصينية الي هنحطها فيها معلقة سمنة او طحينة مخففة وننزلها فيها زي كده ونساويها .
ونكون طبعا مسخنين الفرن من قبلها بعد كده نخلي درجة الحرارة متوسطة مش بتاخد اكتر من ثلت ساعة علي الرف المتوسط مش فوق الفرن مباشر ولما تحمر الجوانب نشغل الشواية بس تلون وتشقي بالشربات البارد وهي لسه طالعة من الفرن زي كده
[COLOR="rgb(139, 0, 0)"]ممكن طبعا تزوقيها زي مابتحبي بأي نوع مكسرات متاح سوداني /لوز/بندق /عين جمل، معلش بئه دي الصورة ليها الي لحقتها
[/COLOR]
يارب تكون الوصفة عجبتكو وتعملوها
انا عارفة هي سهلة وكمان عشان مفيش حد يستصعبها
وكمان رمضان علي الابواب وكل الحلويات دي بتتعمل فيه ربنا يبلغلنا اياه بخير[/COLOR]
بس ماليش دعوه بقي عايزه طبق ليا
|
|
|
نورتوني يابنات
انا بحبه جدا جدا احنا عندنا نسميه قلب اللوز
نحط طبقة دقيق وطبقة لوز مطحون و الطبقة الاخيرة دقيق مثل الاولى
ويكثر عليه الطلب في رمضان زي ما قلت