سمك فيليه مقلي
المقادير:
4 قطع سمك فيليه
ملعقة كبيرة بصل بودرة (أو بصل مفروم)
ملعقة كبيرة ثوم بودرة (أو ثوم مفروم)
2 ملعقة صغيرة بشر ليمونة
½ ملعقة صغيرة زعفران
ملعقة صغيرة كزبرة جافة
ملعقة صغيرة أوريجانو
½ كوب عصير ليمون
ملعقة صغيرة كركم
ملعقة صغيرة شطة
ملعقة كبيرة بابريكا
ملح وفلفل أسود
½ كوب زبدة
الطريقة:
1- ذوبي نص كمية الزبدة في وعاء صغير مع الكزبرة والكركم والبصل البودرة والثوم البودرة والزعفران والأوريجانو والشطة والبابريكا وملح وفلفل حسب الرغبة، وقلبيهم لغاية ما يختلطوا مع بعض وارفعيه من على النار.
2- ضعي الخليط في طبق وضيفي عليه ملعقة بشر ليمون وقلبيهم مع بعض، وبعد كده وزّعيه كويس بإيديك على السمك من الجانبين، وسيبيه في التلاجة لمدة ساعة علشان يتّبل كويس.
3- ذوبي باقي كمية الزبدة وحمّري فيها السمك لغاية ما يبقى لونه دهبي أو لغاية ما يستوي، اخرجي السمك من المقلاة من غير الصوص اللي نزل منه وحطّيه في طبق.
4- حطّي عصير الليمون على صوص السمك اللي في المقلاة، وضيفي عليهم ملعقة بشر الليمون التانية وقلبيهم مع بعض، وارفعي بعد كده الخليط ده من على النار وتبّليه بكمية ملح مناسبة لو احتاج، وسيبيه لغاية ما يغلي وقوامه يتقل شوية.
5- رصي قطع السمك في طبق التقديم وصبّي فوقه خليط الليمون وقدّميه مع رز السمك.
صحة وعافية
