كل مايخص بنوتاتنا 2024

((رجيم اللقيمات ))

ازيكو ياعدولات انا جديده معاكو هنا وبصراحه ماشيه على رجيم اللقيمات من فتره وجايب نتيجه جميله

بس لسه برضه عاوزه جسمى ينزل كمان وكل اللى محتجاه ان حد يشجعنى بجد مش حد يدخل يومين ويجرى

هو بصراحه نظام هايل لانك هتتبعى سنه الرسول الحبيب وكمان مبتحسيش انك بتعملى رجيم ولا انك محرومه من اى اكل بتحبيه حتى الشيكولاته

((رجيم اللقيمات))

((شكل التقرير ))

كل يوم تتدخلى تكتبى التقرير

الساعه كذا الفطار ………… الساعه كذا اللقيمه ………… وهكذا
المايه كام لتر ………… المشروبات السخنه ………….
التمارين الرياضيه …………..
وكل واحده عليها درجه واللى هتنتظم لمده اسبوعين هخليلها يوم فرى انما اللى هتلعب ملهاش يوم فرى نهائى
كدا خلصت الرجيم

********************************************* *

(((الجانب الدينى )))

زى مااحنا بنشجع بعض على الجمال الخارجى ( الرشاقه ) عاوزين نشجع بعض كمان على الجمال الداخلى من الناحيه الدينيه ونقرب من ربنا خصوصا ان رمضان على الابواب وذلك من خلال /
1/ الالتزام بالصلوات الخمسه
2/ قراه القران حتى لو ايه فالقران ياتى شفيعا يوم القيامه واللى حابه تحفظ ممكن تبدا معايا انا لسه بدا فى سوره البقره كل يوم 10 ايات ونخلصها على اربع اسابيع
3/ترديد الاذكار 100 مره يوميا ( لااله الا الله .الله اكبر.سبحان الله.الحمد لله .استغفر الله .الصلاه على النبى )
4/ الصدقه ولو كل شهر
5/ الدعوه بظهر الغيب

*****************

(((التنظيف والترتيب)))
قبل اى حاجه تشغلى سوره البقره

( التنظيف اليومى )

ترويق السراير ازاله الاتربه
غسيل المواعين الاكل
كنس ومسح الشقه يوميا ورمى الزباله

(التنظيف الاسبوعى )
السبت / ترويق الدوالايب بشكل جميل
الاحد/تنظيف اليوتجازوالثلاجه وباقى الاجهزه الكهربائيه فى المطبخ
الاتنين /تنظيف ادراج المطبخ وغسيل فوط المطبخ ومسحه
الثلاثاء/ تنظيف غرفه النوم واازاله الاتربه من الشبابيك
الاربعاء / تنظيف الغرفه الصغيره مع الشبابيك
الخميس / تنظيف الصاله ومسحها
الجمعه راااااااااااااااااااااااااااااااااااااااااااااااااحه
انا خلاص خلصت اللى حابب يشترك ماشى واللى مش عاوز يدعيلى بظهر الغيب