لسه الحزن بـ يهزم فيك
بــ تلف كتير وتفتش جوه عيونك لسه عليك !
بــ تتوه جواك !
لسه بـ تحلم انك مره فـ يوم تلاقيك !
كل الضايع منك فيا
كل الضايع منك ليا
وعمره ما ينفع يرجع ليك ..!
لساك بــ تتوه !
بــ تدور عني فـ كل وجوه الناس وتروح
وتغيب وتسيب وماترجعليش !
وبــ تنسى السكه اللي فــ روحنا
جمعتنا بــ كل حلاوة روح !!
بــ تكون مجروح فــ بتنسى كتير !!!
بــ تنفض حزنك زي غبار الحلم الدايب بين أحزان !
لسه بــ تِهرب..؟
لسه بتهرب لما بــ تسمع كلمة كان !!!
خايف ليه بـ عنيك تواجهني
خفت تقول ان انت شايفني ؟
خفت تقول آسف ندمان !!!
واما كابرت فــ جرحك ليا
كنت بحس بــ نار أحزاني
وحاجه فـ غدرك تحرق فيا
كنت بشوفك كنت بدمع
كنت بحس بــ حزن العالم كل اتجمع بس عليا
كل ما بضعف
كل ماقرب ارمي كياني فــ حضنك خايفه
كنت فــ نفس اللحظه اتوقف
كنت بمثل كل القوه لحد ماصدق اني قويه !
واما دموعي بـ تنزل مني ..
كنت بخبي بــ إيدي عنيا
كنت ببدل دمعي بــ بسمه
صعب هــ يعرف شئ حقيقتها
..الا يادوبك كف إديا
اللي دراها لحد ما تصبح بسمة زيف !!
!!
كــــُـــنت الضـــــيف
كنت الضيف الجاي على قلبي
وماشي وسابني بدون مواعيد
كنت الفرحه وكنت الدنيا
وكنت الجنه وكنت العيد !
كنت بشوفك بجري فـ حضنك
كنت بــ إيدي اتعلق فيك !
كنت بتسأل ايه احساسي ؟
كنت بجاوبك ! لأ مش عارفه
بس هقولك قلبي سعيد !!!
فجأه لقيتك مش ويايا
فجأه لقيتك رحت بعيد !
،،
كــــان ولابــــُد
كان ولابد الطفله العايشه فــ قلبي تموت !
كان ولابد ادبل وردي
وازرع ارضي بــ شجر الشوك !!!!!
،،
كنت فـ خوفي على البنوته اللي انت هوتها فـ قلبي وروحي
رحت بــ كل جروحي اقتلها !
رحت كمان بــ إديا ادفنها فــ حلم ومات !
كنت بودع صورتي بـ إيدي
اوحش نفسي ، انساها وادمع !
وابني فــ روحي الواحده اللي انت تشوفها فـ مره ماتعرفهاش !
تعبي يا أجمل ذكرىَ فـ روحي مارحش بلاش !
ايوه طويتك
ايوه نسيتك
زي الشئ السهل تبيعه وشايفه فـ عينك مابيسواش !
يعني هزمتك
يعني رميتك
يعني نسيتك
بس الفرق ما بيني وبينك
قلبك لسه فـ حضن غروره
فاكِر جدااااً مابيِنساش ..!!
…
من وحي قلمي
غادة إبراهيم ..
(نشِرت في ديواني خيوط)
كنت الضيف الجاي على قلبي
وماشي وسابني بدون مواعيد
كنت الفرحه وكنت الدنيا
وكنت الجنه وكنت العيد !
كنت بشوفك بجري فـ حضنك
كنت بــ إيدي اتعلق فيك !
كنت بتسأل ايه احساسي ؟
كنت بجاوبك ! لأ مش عارفه
بس هقولك قلبي سعيد !!!
@@@
الله عليكي يا غدود ياللي مالكيش مثيل في الاحساس
زي الشئ السهل تبيعه وشايفه فـ عينك مابيسواش !
يعني هزمتك
يعني رميتك
يعني نسيتك
بس الفرق ما بيني وبينك
قلبك لسه فـ حضن غروره
فاكِر جدااااً مابيِنساش ..!!
.gif?w=1200&ssl=1)
وماشي وسابني بدون مواعيد
كنت الفرحه وكنت الدنيا
وكنت الجنه وكنت العيد !
كنت بشوفك بجري فـ حضنك
كنت بــ إيدي اتعلق فيك !
شكلك كدة ح تدلعينا و تعلمينا الرومانسية يا ست غادة بس بجد تسلمي كلك رقة و شكلك كدة ح تعملي جو حلو في المنتدي