ليالي الروح؟؟ ياامي بقللك عاوزه اخرح مش احضر عفاريت!!! 2024

المكان ده بيكون فلل مصممه لاحياء الحفلات وفنادق.. ف اماكن سياحيه او مستواها راقي زي الهرم, الزمالك,الدقي..وهكزا..

اللي مخلي(ليالي الروح) فعلا اكتر حفله الانسان يرتاح فيها ويحس بالتميز والتغيير..
*انها مش نوع واحد من الفنون زي غنا بس او رقص بس وانما بتضم اشكال وانواع مختلفه منها..
*ده غير الاستراحه اللي بتتعمل ف النص وبيكون فيها اشياء جمييييله ماتخطرش عالبال ومش متوقع انها تكون ف حفله فنيه..
البرامج هناك من كزا ثقافه مختلفه عشان كده الاجانب بيفضلوا (ليالي الروح).. هتلاقي هناك:

*فرقه افريقيه بتقدم احلى رقص وغنا افريقي..

**************
*رقص شرقي على مستوى وهمي..
*************
*كمان فرقه سودانيه بيغنوا سوداني هما نفسهم لايف عالدفوف والطبول (مش بس اغاني مسجله) وبيرقصوا عليها باحتراف..ف وسط الفقره بيكون الاجواء السودانيه مسيطره عالحفله زي البخور السوداني المنتشر اثناء هذه الفقره..

– الله ايه الحلاوه دي.. انا باموت ف الرقصات الافريقيه اصلا..طب بيكونوا لابسين ريش بقى واللبس الافريقي ده.. -امال هايرقصوا بجلاليب.. فيه ايه ياامي ماتطيريش الحبه الفاضلين الله يخليكي..
-طيب ياختي كملي.. افكار تجنن بصراحه ماشا الله..
– انتي لسه شوفتي حاجه انا لسه ف الاول.. في بقى بعد العروض دي بريك وبعدين العروض بترجع تاني.. ف البريك ده ماقلكيش يابنتي عالتوهاااان اللي جالي لما كنت هناك مش عارفه اختار ايه ولا ايه وكل حاجه باشوفها كنت بلاقيها معموله باتقان وبحرفنه.. انتي بتحبي رسم الحنه صح؟؟.. -اه طبعا بموت فيها..
-ف وقت البيرك بيبقى في مكان موجود فيه حنانات ما شا الله عليهم بيرسموا *حنه جباره على اي مكان بقى الرجل الايد البطن الضهر الكتف عالرقبه..

– ايوه بس اكيد يعني بما انها حفله فهيبقى المهم فيها العروض الفنيه ومش هاتكون مستوى رسم الحنه بتاعتهم زي الحنانات الجامدين اللي ف البيوتي سنترز مثلا.. -مين اللي قالك ده بيستخدموا افضل انواع الحنه الاصليه ومش عليها اي اضافات خطره زي الحجر الاسود..محلبيه بس.. وانتي فاكره انهم بيعملوا حنه سودا بس؟؟ده حنه سودا وحنه الوان وحنه حمرا وحنه بيضه.. – ايه ده ايه ده حنه الوان؟؟ يعني ممكن ارسم حنه دهبي ؟؟..
-وبمبي لو حبيتي..
-ايه الجمال ده.. -وفي *بوفيه بيقدم اكلات من كزا بلد يعني مش من مصر بس.. من مصر والسودان ولبنان..اكلات شعبيه من البلدان دي وغير شعبيه..(دول عليهم شوية كشري يودي ف داهيه)..

-لا فعلا واضح انهاحفله مش تقليديه..ايه كمان؟؟.. -وهتلاقي معرض بيبيع *ملابس فلكلوريه من دول مختلفه.. زي الساري الهندي والتوب السوداني وجلابيات الرقص البلدي و بدل رقص وملابس افريقيه كمان..

-كللل ده ف البريك؟؟.. -كل ده ف البريك,اه نسيت اقللك كمان انتي فاكره العروض الفنيه اللي قلتها هي دي بس؟؟؟..
-هو لسه في تاني ده انتي قلتي 100 حاجه -لغاية دلوقتي-..
-في كمان *مغنيه بتغني شرقي.. اغاني ملهاش حل..*ومغنيه بتغني سوداني صوتها رهيييييب..

-ايه ده كله.. هو ده فعلا المكان اللي عايزه اروحه.. بس على قد مانا متشوقه فعلا اروحه دلوقتي قبل بعد شويه من كتر ماشدني فعلا..على قد مافي اسئله مش هارتاح غير لما اعرف اجابتها الاول..
-قولي ياستي.. -طبعا حفله زي دي فيها سهره يعني اكيد بتبدا متاخر وتخلص متاخر وانتي عارفه ان انا مرتبطه بمعاد معين ف البيت..
-مين اللي قاللك دي بتدا الساعه 6 وبتخلص 10.. يعني ف نفس معاد الكورس بتاعك..
-وطبعا بكلللللل الروعه دي اكيد سعرها غالي..؟؟-قوليلي ياحبيبتي تتوقعي بكلللللل العروض والحاجات الغريبه والجميله اللي فيها دي يكون سعر التيكت كام؟؟..
-بصراحه عاللي فيها ده اتوقع مش اقل من 300 ..400 ج.. -اللي هاقلهولك ده بقى من الحاجات اللي عجبتني ف (ليالي الروح) جدا.. ان بالرغم ان المفروض بكل الجمال والعروض والافكار الكتير اللي فيها يكون سعرها عالي.. الا ان سعرها اقل بكتير من المفترض او المتوقع ليها..
التزكره ب 150 بس.. -قشششششطه.. 150 بالنسبالي كويس واخدمعايا مثلا 25 ج لوهارسم حنه ولا اجيب اكله يعني الموضوع كله 175-200ج ده انا لو رحت حفله ف الفور سيزون رسم الدخول بس 150 ده غير اللي هاجيبه وبيكون سعره غالي ومفهاش كمان كلللللل الحاجات التفاصيل الكتيره قوووي والجميله دي .. قوليلي هي اسعار الاكلات والحنه والحاجات دي غاليه؟؟.. -اطلاقا اسعار عاديه جدا.. تخيلي رسمة الايد ب 10.. -ايه ده هو لسه في حد بيرسم الايد ب 10.. ده انا من سنتين كنت راسماها ب 15..-مش بقللك اسعار اقل من المفترض..
-طيب في حاجه كمان انا داخل دماغي قوي ونفسي اروح جدا بس انتي عارفه انا مابحبش حد يرخم عليا واكيد بقى هايكون في شباب وانا مش هاطلع مع الشملول جوزي مش ناقصه ضغطي يعلى عايزه اروح اضرب الدنيا سرمه مع صحابي فاكيد هايبقى فيه قلق ولا ايه.. -هههههههههههههههه..
-بتضحكي على ايه ماتضحكيني معاكي.. – اصل انتي عبيطه.. – ايه عبيطه دي يابت ماتحترمي نفسك.. – الحفله دي للسيدات والاجانب فقط.. هههههه..
-انتي بتقولي ايييييييييييييييييييه…. انا خلاص راااااااااااااايحه.. استنيني ثانيه واحده هاغير هدومي اوعي تروحي من غيرييييييييييييييييييييييييييي..الا قوليلي صحيح هو ايه اقرب مكان لينا.. -تعالي وانا اقللك… -يالاااااااااااا..

وزي ماشفتوا الاختين الحلوين هناء وشيرين خدوا بعضهم وطاروا على ((ليالي الروح))..

تحبي تطيري زيهم.. عارفه لو كنتي من اول 5 عدولات يطيروا على هناك؟؟.. التزكره بتاعاتك هاتبقى 100 ج بس.. يعني خصم 50ج..
طيب تلحقي مكانك ازاي سريعا؟؟.. تبعتيلي رساله عالخاص باسمك.. وساعتها هابتعلك رقم مكون من اربع ارقام .. واول ماتيجي تقولي الرقم اللي بعتهولك ده عالبوابه وتاخدي تزكرتك اللي عليها خصم..(:
عايزين تعرفوا الاماكن والمواعيد ,,>> *فندق بيراميدز فيو ف(الهرم)..كل خميس من كل اسبوع..
*فندق بيراميزا ف(الدقي)..كل حد من كل اسبوع..
وباقي الاماكن والايام ف الموضوعات القادمه ان شا الله..
الحفله هتقام ف الفنادق المزكوره بعد اسبوعين تحديدا من النهارده 1042019..
يالله ابدئي حوشي من دلوقتي..
*************
تتواصلي معايا ازاي لوعندك اي استفسار (حتى اقدر اقللك كمان تيجي ازاي للفنادق او تركبي ايه من المكان اللي انتي فيه-رغم ان الاماكن سهله خالص ومعروفه) :
ده رقم التليفون: 01512934650
وده الايميل: horaa_horraa
عالهوت..
********
ودلوقتي بقى جه وقت اقللكم..ان كل حاجه من المعروضه خاصة ف البريك زي رسم الحنه والبوفيه والملابس الفلكلوريه
هيتم ان شاء موضوع خاص بها عشان اتكلم عن تفاصيلها اكتر وعن مميزاتها و الانفراد اللي فيها اكتر واكتر..
ودلوقتي الى اللقاء في موضوعي القادم.. (رسم الحنه في ليالي الروح)..
اتهنوا حبايبي..