كلنا واحنا صغيرين كبرنا على مقولات زي الجزر بيقوي النظر وغيرها بس هل معلومات ده صحيحة؟ الإجابة هي نعم, ربنا خلق لينا شفاء ووقاية من الأمراض في الأكل الطبيعي اللي حوالينا, والنهارده هنقولك إزاي تحمي أسرتك وتقوي مناعتهم منغير ادوية.
الحديد: الحديد بيساعد على تكوين قرأت الدم الحمراء اللي بتنقل الأكسوجين في الجسم, ونقصه بيؤدي للانيميا وضعف الجسم وده بيخليه معرض أكتر للإصابة بالأمراض. والحديد بتلاقيه في الخضروات الورقية الخضراء, وكمان في اللحوم, البيض والفواكه المجففة.
فيتامين A : بيساعد على تقوية المناعة وكمان بيفيد في تقوية النظر وده بتلاقيه الجزر, السبانخ, الطماطم, البيض, اللبن واللحوم.
فيتامين E : فيه مضادات للاكسدة, ونقصه بيزود نسبة الإصابة بأمراض المناعة. بنلاقي فيتامين E في المكسرات, الزيوت النباتية والخضروات الورقية.
فيتامين B6: وجوده أساسي لجهاز المناعة والاعصاب. والفيتامين ده بتلاقيه في البيض, البقوليات, السمك اللحوم والكبدة.
آخر فيتامين معانا النهاردة هو فيتامين C وهو وجوده شديد الأهمية في تقوية المناعة , مقاومة الالتهابات وبيساعد على امتصاص الحديد في الجسم. وفيتامين C بنلاقيه في البرتقال, الفراولة والطماطم.
يسلموو
حلووو وجميل
