حكاية يوسف والكمبيوتر هامة لا تفوتك لأطفالك 2024

كيف حالكم ياحلوين يارب تكونوا كويسين ومستريحين وفرحانين بفضل ربنا العظيم
حكاية النهاردة ياحلوين عن الأطفال والكمبيوتر
مع خالتو أم امة الله

حكاية يوسف والكمبيوتر

يا تري إيه الحكاية ؟؟ اسمعوا يا حبيبى
كان فيه ولد صغير اسمه يوسف كان عمره خمس سنوات
وله أخت امورة اسمها عائشة عندها سبع سنوات.

كان يوسف بيحب يفتح الكمبيوترخالص خالص

يعمل اييييه؟؟؟ يتفرج على كارتون للأطفال
يشوف رياضة زى الكورة وكمان كان بيحب
قوى الملاكمة، وكمان بيلعب عليه ألعاب
كتيرة يلعب لحد ما صوابعة توجعه خاااالص
أهُه شايفين فرحان ازاى ؟؟؟

أمَّا عائشة اختة فكانت عكسه خالص لما ترجع من المدرسة وتتغدى تساعد مامتها فى الأعمال المنزلية، وبعدين تذاكر واجبتها وبعدين تستأذن امها ممكن افتح الكمبيوتر وامها لو قالت لها لأ ..متزعلش خلاص ولو وافقت تقعد ساعة واحدة لان الاستاذ فى المدرسة قالهم الجلوس اكثر من ساعة كل يوم له تأثير ضار جدا ومعلق ليهم لوحة كبيرة خالص مكتوب فيها ارشادات على استخدام الكمبيوتر وكانت عائشة كل يوم تقرأها لما حفظتها……شفتم اهيه بنت عسوووولة خالص

طبعاُ انتم نفسكم تعرفم مكتوب ايه فى اللوحة دى ؟؟ دلوقت حتشوفم اللوحة نفسها حجيبهالكم من المدرسة علشان تشفوها

كل عائشة لمَّا تشوف يوسف قاعد أمام الكميوتر كأنَّه تمثال تقول له غلط يا يوسف حيجيلك أمراض خطيرة يقوم بصصلها ويقول ملكيش دعوة
وساعات يقوم ضربها تقوم ساكته

المهم فى يوم أمهم قالت لهم يالا ياحبايبى نزور خالتو خديجة جارتنا ابنها مريض وحقهم علينا نزورهم

فاصل صغنن ونواصل الحكاية خليكم معايا

بقلمى ام امة الله

هيه يا حبيبى انتم نمتم ولا منتظرين بقية الحكاية؟؟؟؟
كان ابن الجيران اسمه عمر وهوصاحب يوسف ومعاه فى الحضانة فرد يوسف و قال لأمه أيوه يا أمى فعلاً عمر مبيجيش المدرسة من أسبوع
لكن إحنا مالنا نزوره ليه ؟؟

قالت أمه يايوسف ياحبيبى الرسول صلى الله عليه وسلم قال:

عَنْ ثُوَيْرٍ عَنْ أَبِيهِ قَالَ:

رد يوسف وقال لأمه:
مش فاهم معنى الحديث يا امى
قالت امه:
ياحبيبى معناه ان على بن أبى طالب كان رايح يزور الحسن ومعاه صحابى تانى ،فلما دخلم عليه قالهم انتم جيين عيادة مريض يعنى زيارة مريض ولا جايين زيارة عادية ؟؟؟ قالوا لا عيادة مريض
ففرح وقال لهم أن الرسول صلى الله عليه وسلم قال اللى يزور مريض يصلى عليه سبعون الف ملك(يصلم عليه يعنى يقفم كلهم امام الله ويقولولوا عبدك دة يعود صاحبه المريض يارب اغفر ذنوبه ودخلة الجنَّة يقوم ربنا يقولهم وكمان له عندى جائزة.. حديقة جميله هديه فيها كل الفواكه والورود( دا معنى خريف فى الجنّة).

رد يوسف وقال ياه سبعون ألف ملك وكمان جائزة

نط يوسف وطلع يجرى ولبس بسرعة وقال لها يالا نزور عمر وبينه وبين نفسه قال انا مشتاق للجنَّة والفواكه والحاجات الجميلة دى.

خرج الاولاد مع أمهم لزيارة عمر وأسرته

راحت عائشة قالت لأمها أمى الاستاذ قال إن من الأدب الإسلامى لما نزور مريض الأفضل إننا ناخد له هديةعلى أدنا كده .

فرد يوسف وقال: هدية ايه بقة مش كفايه الزيارة لو جبتم هدية حخدها ليَّ.ا
هوالحديث اللى قولتيه مقلشِ النبى صلى الله عليه وسلم ان نشترى هدية
فردت امه وقالت : نعم يا يوسف فى حديث تانى النبى صلى الله عليه وسلم
{تَهادوا تحابُّوا}.
الراوي:أبو هريرة المحدث:الألباني المصدر:إرواء الغليل الجزء أو الصفحة:1601 حكم المحدث:حسن

رد يوسف وقال: يعنى إيه يا أمى؟؟؟؟؟

راحت عائشة معلية صوتها احنا فى الشارع كل حاجة تسأل فيها اسكت بقة.

ردت امها بهدوء وقالت لها لا يا أوشة مترديش كده يوسف حبيبى عاوز يتعلم دينه وإحنا لازم نكون صبورين شوية

اتأسفت عائشه بسرعة لانها عرفت انها غلطت.

المهم وصلم لمحل اللعب اختاروا لعبة جميلة لصاحبة ولفوها فى ورق ملون جميل و كملم مشوارهم لبيت عمر.

تابعونى يا حلوين لسة بقية الحكاية

نكمل بقية حكاية يوسف معايا ولا
يا حلويين
♣وقف يوسف امام باب عمر وحط ايده على الجرس وفضل يدق الجرس
♣فأمه قالت له: لا يا يوسف غلط كده اصحاب البيت يتضايقوا ♣قال لها ليه ياأمى دا انا جاى مخصوص ازورهم وكمان جايب هدية بفلوسنا
♣قالت كان النبى صلى الله عليه وسلم:
( إذا سلَّم سلَّم ثلاثاً،}البخاري
♣يعنى تضرب الجرس ثلاث مرات بعد كل مرة تنتظر دقائق وبعدين تمشى لولم يفتح لك احد.
♣رد يوسف وقال حتى لو كانوا موجودين
♣قالت أمه : نعم هذه أداب الاسلام التى علمها لنا النبى صلى الله عليه وسلم ،مثلاً لو حد زارك وانت مشغول بتاكل أو عاوز تنام أو تعبان ومش قادر تقعد مع الضيف أو امممم قال اه بتفرج على حبيبى الكمبيوتر ،، قالت له اى شيء المهم تحب تدخل صاحبك قالها طبعا لأ قالت له شوفت بقة عرفت الاسلام دين جميل أ د إيه علشان كده لازم نستأذن قبل منزور اى حد بالتليفون
♣ قال يوسف الله كلام جمييل يا أمى

♣وبعد ما ضرب يوسف الجرس فتحت ام عمر ورحبت بيهم خالص وبسرعة قدمت لهم عصير جميل وشيكولاته وفواكه .

♣وراحت بسرعة تخبر عمر بزيارة صاحبه يوسف وأسرته
♣راح يوسف اول ماخرجت جرى على الشيكولاته وكبش كبش بأيده وخباها فى جيبة أمه شفته.
♣قالت له :عيب ربنا شيفك انت كده بتسرق
♣قال لها: ليه مش هىَّ اللى جيباها لينا .

♣قالت له :لا هىَّ بتقدمها وعلى كل واحد يأخذ حبة لكن كده سرقة تعرف تعمل كده أمامها قال لا قالتله شوفت رجعها بسرعة

♣قال لها طيب ما احنا جايبين له هديه بفلوسنا.

♣قالت له: عيب احنا قلنا ايه النبى صلى الله عليه وسلم قال: قال تهادوا تحابوا احنا حناخد جزاءنا من ربنا مش نسرق شيكولاته!!

♣دخلت ام عمر واستأذنت أم يوسف ويوسف وأخته إنَّهم ينتقلوا لزيارةعمر فى حجرته لأنه لا يستطيع المشى إليهم.

♣وكانت المفاجأة ؟؟؟؟ عمر فى السرير لا يتكلم مع احد وعينيه لا يرى بهما سألت أم يوسف ما هذا ما الذى جرى له ؟؟؟

♣ردت ام عمر وقالت عمر لا يتكلم مع أحد من فترة قلنا يذهب للحضانه علَّه يتكلم فى وجود أطفال لكنه زاد فكشفنا عليه

♣فقال الطبيب: هذا مرض يسببه الجلوس امام الكمبيوتر فترة

طويلة

♣والمشكلة أنَّ عينيه هى كمان ضعفت واصبح يري ضوء قليل ولمَّا كشفنا عليه
♣قال الطبيب :ان الاشعاع الذى يخرج من الكمبيوتر هو السبب ♣وبكت ام عمر وهى تقول كنت بتحايل عليه وأترجاه ان يجلس كل يوم ساعة او اكثر قليل لكنَّه كان لا يسمع الكلام الأن اصابته هذه الأمراض الخطيرة وعلاجها صعب جدا !!!

♣نظرت عائشة الى يوسف كأنها تقول له ايه رأيكِ انتظر المرض انت كمان .

♣دعت أم يوسف وأولادها لعمرمثلما علَّمنا النبى صلى الله عليه وسلم:
عن عبد الله بن عباس رضى الله عنهما انَّ رسول الله صلى الله عليه وسلم قال:
{ من عادَ مرِيضًا لم يحضرْ أجلُه فقال عنده سبعَ مرَّاتٍ : أسألُ اللهَ العظيمَ ربَّ العرشِ العظيمِ أن يشفيَكَ؛إلا عافاه اللهُ من ذلك المرضِ}
قال الألباني:صحيح

♠رجع يوسف وأمه وأخته وهو ساكت لا يتكلم لاحظت امه سكوته
♠فقالت له مالك يا يوسف لم تتكلم من ساعة الرجوع من عند عمر صاحبك ؟؟
♣فرد يوسف :وهو يبكى انا غلطان انا عمرى ما حفتح الكمبيوتر الا ساعة كل يوم انا آسف لكم لأنى كنت لا استمع لنصائحكم.

♣الحمد لله انَّ ربنا عافانى من أمراض عمر
♣فقالت أمه: يارب اشفيه وعافيه

♣وبص لعائشة وقال لها: انا عاوز تقوليلى الكلام اللى مكتوب عندكم على الحائط عن الكمبيوتر علشان أقول للأستاذ فى الحضانة يعمل لوحة زيها.

♦وبكده يا احبائى يوسف معدش بيقعد على الكمبيوتر اكثر من ساعة وكمان أمه اللى تختارهاله

♦وبقى بيصلى كل الصلوات فى وقتها لانَّه كان بيكذب ويقول صليت علشان يفضل أمام الكمبيوتر.

♦وبقت صحته كويسة لأنَّه كان بياكل أى أكل بسرعة علشانيفضل أمام الكمبيوتر

♦وكمان بقى بيدخل دورة المياة كلما إحتاج لأنه كان بيمسك نفسه كتير لحد ما أُصاب بإمساك وحرقان فى البول .
♦وكمان كان ساعات أمممم أقول … كان ساعات يعمل على نفسه وهم قاعد

☺كل المشاكل اتحلت بفضل الله

•وفى النهاية ممكن يوسف يتكلم معاكم بس اوعم تقولولو انى قلت لكم انه كان ساعات بيعمل على نفسه هههه

•تعالى يا يوسف كلم حبيبك الحلوين فى مدونة عدلات

• يوسف: إزيكم يا اصدقائى نصيحة لا تقعدواأمام الكمبيوتر كتير .
•أحسن يجيبلكم مرض خطيرمثل صاحبى عمر أنا تبت خلاص .
•وبقيت بصلى وأعمل كل اللى أمى بتقولى عليه وكمان علقت ورقة كبيرة خالص فى الحضانه علشان كل أصدقائى يعملم كدة تحبوا تشوفوا الورقة ؟؟ استنوا…

يا عائشة يا أوشة هاتى الورقة وفرجيها لأصدقائى فى عدلات
أهيه.

أبنائى الاعزاء هذه هي
الأثار السلبية للجلوس أمام الكمبيوتر

أمراض نفسية كاضطراب النوم والقلق والتوتر والاكتئاب، والعزلة الاجتماعية والانطواء والانفراد بالكمبيوتر، وانعزال الطفل نفسه عن الأسرة والحياة والاكتئاب والانتحار.
☻أمراض العيون وضعف النظر والرؤية الضبابية وألم ودموع في العينين.
☻ضعف التحصيل العلمي ورسوب وفشل في الدراسة وعلامات منخفضة.
☻ظهور السلوكيات السلبية مثل العنف والقسوة وضرب الإخوة الصغار وعدم سماع الإرشاد والتوجيهات والتمرد
☻ومشاكل صحية وألم في أسفل الظهر وآلام الرقبة، وضعف في عضلات المثانة والتبول اللاإرادي
☻وضعف في الأعصاب وخمول وكسل في العضلات، وإمساك بسبب الجلوس المستمر واللعب بالألعاب الإلكترونية.
☻إيذاء الإخوة بعضهم بعضاً من خلال تقليد ألعاب المصارعات وتطبيقها في الواقع، حيث تخلق روح التنافس بين اللاعبين.
☻ارتفاع تكاليف الألعاب، والتي قد تؤثر على ميزانية الأسرة.
☻أكدت دراسة نشرت نتائجها مؤخرًا أن ارتفاع حالات البدانة في معظم دول العالم يعود إلى تمضية فترات طويلة أمام التلفاز أو الكمبيوتر.

☻الألعاب الإلكترونية لها تأثير كبير جداً على الطفل .. لأن بعض الالعاب المشهورة والتي يلعبها الاطفال مليئة بالعنف والقتل و المواد الإباحية التي قد تؤثر على سلوك الطفل بشكل سلبي
☻هناك مواضيع إباحية وضعوها من لا دين لهم ويراها بعض الابناء ولو شاهد الطفل هذه المواضيع .. سيتعلم اشياء غير اخلاقية ..

♣لابد من تحديد زمن معين للعب لا يزيد عن ساعة في اليوم، ثم يقضي باقي الوقت في ممارسة الأنشطة اليومية، وألا يكون اللعب بها إلا بعد الانتهاء من الواجبات المدرسية، ولا يكون خلال وجبات الطعام اليومية

♣ابنائى لا تسمعوا كلام الشيطان وتجلسوا امام الكمبيوتر اكثر من ساعة والا حدث لكم ماذكرته ربنا ييسر لكم كل خير يا أحبائى مع السلامة

يوسف شفتم اللوحة يا أصدقائى
شفتم الشيطان
خلاص حتسمعوا الكلام مثلى؟؟

وتستفيدوا من الكمبيوتر وتاخدوا بالكم من الحاجات الوحشة اللى بتكون فيه

طيب انا عرفت كمان ان بعد ما نقوم من على الكمبيوتر نعمل رياضة
علشان جسمنا لا يُصاب بالأمراض

وأبى قال لى إن فى الصلاة رياضة
جميلة
سبحان الله ماأجمل ديننا!!

بإذن الله