انا عايز اقول كلمة صغيره .. لبس الحجاب مش هو المقصد ( فقط ) من الالتزام .. ومش هو نهاية الالتزام ..
بل هو خطوة للفوز بالجنان من عند الرحمن
لبس الحجاب مش مجرد تغطية للجسم بس..الحجاب ده شيء كبير اوي .. شيء محترم اوي ( قمة العفه والعفاف )
الحجاب مش بس إخفاء للجسم من العيون
الحجاب ده
الحجاب ده شعار للبنت بتقول فيه للناس ابعدوا عني انا محترمه .. محدش يبصلي بصه وحشه .. محدش يروادني عن نفسي ( المعاكسه )
طب ايه دليلك
الدليل من افضل كتاب على وجه الارض
يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً
متتأذيش من سماع كلمات مش كويسة.. ومن نظرات سيئه .. وهكذا ..
وفى الآخرة بقى ستنالى الاجر والثواب من عند الله ( وما اعظمه من اجر من عند الله )
موضوعنا النهارده عن تصحيح بعض التساهلات والاخطاء عند بعض المحجبات ..
( فى حاجات بيقعوا فيها وهما مش واخدين بالهم)
وهنعرض الحل والعلاج يعنى كل حاجة وليها حل بإذن الله
بسم الله الرحمن الرحيم
والحل انك تلبسي حذاء او كـُتش يكون فلات ( علي الارض يعني )
–لبس الاسدال او الملحفه أو العباءه ويكون الكـُم بتاعها واسع .. بحيث ان مع اي حركة ورفع لليد بيظهر الذراع كامل .. ولا شك دي فتنة حتى وان كنتي لابسه جونتي بيكون ايده صغيره يدوب بتداري كف اليد .. ومفيش اخت تقول انا بخلي بالي ومش برفع ايدي .. طبعاً ده غلط المفروض تعملي الصح ومتعلقيش عفتك علي هخلي بالي او مش هخلي بالي ..
عندك حل من اتننين للموضوع ده . إما تلبسي حاجه بكـُم قميص او تيشرت داخلى تحت الهدوم بكم بحيث مع الجونتي ذراعك ما يظهرش .. ولو الجو حر ومش عارفه تلبسي شيء بكم .. يبقي تشتري حاجه اسمها معصم ..
– عباءة سوداء لكنها براقة بها شويه خرز علي ترتر .. وشويه شغل سوري .. أو مثلاُ بها خط سيلفر ( فضي ) او ذهبي .. او خامة الاسدال والملحفه نفسها اشبه بالساتان .. تحس انه عامل زي خامة قميص النوم .. او ستارة الحمام .. وهذا طبعاً يلفت الانتباه جداً جداً جداً والناس لما بتشوف اللبس بالطريقه دي بتفهم ان دي بنت مش كويسة .. او انها بنت مش ملتزمه لابسه الحجاب عادة يعني . وطبعاً ده بيترتب عليه المعاكاسات وغيره ..
( عفيتي نفسك , وعملتي سنة حسنه )
الحجاب
يكون ضيق .. بحيث يجسم الجسم من عند الوسط او من عند الصدر …. وهذا خطأ كبير
وعشان الاخت متقلش طيب انا جسمي مليان اعمل ايه .. اقولك اشترى اللبس الواسع
او روحي اشتري قماش وفصلي لنفسك حجاب صح تكون واسعه جداً مهما كان جسمك مليان .. فصلي شيء يكون واسع عليكي ( لا يكلف الله نفساً الا وسعها ) وربنا امرك بالستر والعفاف ..
الاخت المسلمه تلبس الجورب " الشراب " حتى لا تظهر القدمين لانها فتنة للرجال . والاخت الي بنشوفها لابسه حجاب
.. وقدمها ظاهره مش لابسه عليهم شراب .. وده طبعاً ميصحش يا اختنا الفاضلة ..
الحل
يبقي الاخت المسلمه المفروض تلبس شراب ومتظهرش قدمها ويفضل بلاش الشراب الي باللون ( البيج ) بيكون لون البشره وده بردو بيلفت النظر وبيعمل شك انك مبينه قدمك .
البسى الحجاب كويس لأن مع اقل حركة للهوء او للرأس
ممكن يتشال الحجاب
وهما مش واخدين بالهم
يبقي تشتري لبس واسع فضفاض….
واربطى الحجاب بدبابيس علشان مايطيرش
عشان الهواء ميرفعش الحجاب…
– اختنا الفاضله تلبس حجاب
بس ممكن تلاقيها
حطت مكياج
بودرة عفريت !!
ملهاش لازمة
تضيعى الحجاب بالمكياج
ضيعتى الحجاب وضيعتى الشباب!!
فتنتيهم يعنى من الآخر
وكسبتى ايه
سيئات !!
ربنا يرزق البنات والاولاد العفة
وياخدوا بالهم ان شاء الله
– أختنا الفاضلة تلبس لبس محتشم واسع فضفاض ولكن تلبس بعض الاشياء الملونه مثل الحذاء او ( توكه ) او الشراب او اى حاجة تانى
.. والاصل في حجاب المرأه انه غير ملفت للنظر ..
فالمفروض الاخت الفاضله متلبسش شيء يلفت النظر خالص عشان متضيعش ثواب حجابها علي حاجات هى فى غنى عنها
الاخت تتزين وهى ذاهبة للمسجد . ويكون لهذه المكياجات رائحه وكانها عطر واذا قلت لها هذا لا يجوز تقول هذه مكياجات وليست رائحه او تقول انه مزيل للعرق وليس عطر … الحرمه كانت ظهور الرائحه وليس اسم المعطر ..
يبقي الاخت تخرج بدون عطر ( سواء مزيل للعرق او رائحه حتى ولو كانت مسك .. حتى وان كانت عطر للاطفال… لاء مينفعش .. ولا حته ينفع تعطري ابنك الصغير وبعد كده تشيليه .. لان المفسده تحققت وان الرجال يشمون رائحتك .. فالاخت تخرج بدون عطر ..
على فكرة شوفت فى مكونات ريكسونا فيها ريحة من مكوناتها ماء وايثانول وعطر
ممكن تشيلى العرق باى حاجة مزيلة للعرق مفيهاش ريحة
ممكن تستخدم كريم اسمه
vebix هو مزيل للعرق ومالوش ريحة
مرة واحدة فى الاسبوع
من اى صيدلية
وهو يبموت البكتريا المسببة للعرق
مش بيمنع العرق
التساهل في رفع الحجاب والاخت تظهر شعرها أو جزء منه أو رفع النقاب ..امام اخو الزوج او بعض الرجال بحجة انهم أقارب هذا مالا يرضاه الله ورسوله . وايضاً التساهل في رفع الحجاب في بعض المحلات بحجه ( عشان اعرف اتفرج علي الحاجه الي هشتريها )
التساهل في عدم ارتداء الحجاب بشكل كامل أمام بواب العمارة لو وجد – أو جامع القمامة ( الزبّال )
او بتاع انابيب البوتاجاز
ايوه حد يرد عليا ويغيظنى ويقولى
مركبين غاز !!
او
مثلا بتاع اللبن حترد عليا وتغيظنى تانى وتقولى
بنشرب جهينة !!
اهم حاجة عندها انها مصرة تغيظنى وخلاص !!
اى حد مش محرم
عن طريق ( الكسل في لبس الحجاب عند فتح باب الشقه لهم )
بلاش كسل
عدم لبس الحجاب عند فتح باب البيت أو عند الوقوف في الشباك او وقت نشر الملابس ( سواء بالنهار أو بليل ) و التساهل فى ذلك ..
يتبع………….
أحبكم فى الله
ربنا يبارك فيكى يـــــــــارب
شكرا لك