أخواتي رح نتعلم اليوم طريقة عمل مفرش كروشيه روووووعة كتير
أولاً البداية من المنتصف
رح نعمل 6 ورقات شجر ونشبكهم مع بعض
هي طريقة الورقة بالباترون
نعمل 10 سلسلة
ونعمل سلسة كارتفاع ونبدأ نعمل غرزة حشو نبتديها بالسلسلة الرابعة ونعمل 7 حشو يعني رح يبقى معنا سلسلة بالأخير ما نشتغل فيها
نلف الشغل ونعمل 7 حشو فوقهم
السطر التاني :
نعمل 5 سلسلة ونشتغل حشو بالسلسة الرابعة والخامسة ونكمل فوق غرز الحشو ال عملناهم بالسطر السابق ونسيب غرزتين بالأخير ما بنشتغل فيهم
ونكرر نفس الخطوات ليصير عندنا 4 أسطر
هلأ في السطر الرابع رح نشتغل 7غرزة حشو فوق السطر السابق كله وزيادة وحدة
نلف الشغل ونعمل 8 حشو فوقهم كلهم
نعمل 3 سلسلة ونشتغل حشو فوق السطر السابق وزيادة 2 بالأخير
وهكذا حتى تنتهي الورقة
بعد ما نعمل ست ورقات نوصلهم مع بعض بغرزة حشو
هلأ رح نبدأ بشرح الوردة البيضا
نبتدي من المنتصف نعمل 5 سلسلة ونغلقهم بمنزلقة ونعمل 3 سلسلة كارتفاع ونعمل 15 عمود داخل الدائرة
هلأ نعمل الورقات البيضاء
نعمل 10 سلسلة ونشتغل حشو وننقص غرزة كل سطر حتى يصبح شكل ورقة نلفها بالأيدي ونثبتها في الدائرة بغرزة منزلقة
ونكرر لحتى يصيرو 12 ورقة
هلأ وصلنا لتشبيك الشغل مع بعضو
رح نعمل 5 سلسلة ونشبكها برأس الورقة البيضا بمنزلقة ونكرر 5 سلسلة ونشبكها برأس الورقة البيضا التانية وهكذا حتى ننتهي من الوردة الأولى
نعمل كل الوردات البيضاء بنفس الطريقة
وهلأ نشتغل 5 غرزة حشو داخل الــ 5 سلاسل ال عملناهم ونشبكهم مع الورقة الخضراء ونعمل 5 حشو متل ما علمت عليهم بالأحمر بكون خلصت أول قنطرة
نعمل 10 حشو بالقنطرة التانية
نعمل 5 حشو ونشبك بالورقة الخضراء ومع وردة بيضاء تانية ونعمل 5 حشو ونكمل كل الوردة
10 حشو في كل قنطة وهيك بكون خلصت أول وردة
نكرر كل ال قلتو مع باقي الوردات
وينتهي العمل وأكييييد النتيجة حلوة
ويارب أكون وفقت في الشرح وفهمتو علي
في أمان الله يا حلوين
|
الله يسلمك يا سوسو
منوووورة ياقمر
ولكى احلى تقييم
طووول عمرك فنانة