316852019.gif?w=1200&ssl=1)
[/IMG]
السلام عليكن حبيباتي
ايه اخباركم
يارب بخير دايما
انهارده حبيت اوريكم القلقاس ألأخضر وطريقه تحضيره
لان ناس كتير مش بتعرف تعمله
وانا عرفت الطريقه ديه وطلع روووووعه
وحبيبت افيدكم انتو كمان
المقادير
1ونص كيلو قلقاس
2 ربطه سلق اخضر
1ربطه كزبره
راس ثوم كبيره مفرومه
سمنه بلدي
التوابل ملح فلفل كمون
مرقه (شوربه لحمه)
الكميه ديه بتكفيني يومين
الطريقه ياقمرات
هنقطع القلقاس عادي ونغلي الميا كتيير
اول ماتغلي نحط فيها القلقاس واول ما تقوم عشان تغلي اطفي بسرعه وصفيه
ماتسيبيهوش يغلي فيها
صفيه بالمصفي واشطفيه بميا دافيه
وبعدين اغسليه بالملح ادعكيه
واشطفي تحت الميا وكرري العمليه ديه مرتين كمان
هينزل البلاوي اللي فيه كلها
وحطي الشوربه علي النار واما تغلي حطيه معاها وروحي
للسلق تكوني مقطعه الورق الاخضر بس وارمي العروق واغسليه كويس هو والكزبره
واضربيهم في الخلاط
مع كبشه شوربه سخنه
هاتي في الحله معلقه سمنه
وسخنيها وحطي السلق فيها لحد مايتسبك وينشف
واول ما القلقاس يغلي في الشوربه ماتسويهوش علي الاخر
ماشي كبيه علي السلق
واقلي التوم في معلقه سمنه وبعدين حطيه علي القلقاس الاخضر وبالهنا والشفا
ملحوظه انا ماباكلهوش بس كل اللي داقوه عندي حبوه جدااااااااا وجوزي قال انه احسن حتي من اللي والدته بتعمله
بالهنا والشفا حبيباتي
شكله لذيذ
تسلم ايدك وعنيك حبيبتى
مبروووك تكريم موضوعك
