رح احكيلكم عن الاكلات الاردنيه كلها وبالتفصيل .بس هلا تحديدا رح احكيلكن عن المنسف الاردني.
أكيد الكل سمع بهدا الاسم .لانه مربوط باسم الاردن
جاهزين :يلا شمروا عن ايديكن وتعالوا نغوص سوا ،وانا متأكده انكن حتحبوه كتيييييييييييييييييييييييييييييييييييييير
أول شي ،اسلقي اللحمه البلديه ع النار واضيفي للمرق ورق الغار والبصل المقطع وحبات الهال والقرنفل ، ولما يبدأ يغلي شيلي الرغوة عن وجهه وخليه يغلي لحد ما تستوي اللحمه منيح.
انقعي الرز الابيض المصري بالماء الفاتر والقليل من الملح ،وغطيه وخليه ع جنب.
اخفقي ع الخلاط مقدار لتر من لبن الزبادي مضاف ليه بيضه واحده
ضعي اللبن المخفوق في طنجره الغلي ، واضيفي ليه الجميد السائل .بهاي اللحظات بتكون اللحمه استوت منشيلها عن النار ومناخد الميه بتاعتها ومنصفيها ومنحطها فوق اللبن بس ما تكتري ،يعني لتر واحد بس
ومنضيف ملعقه نشا ع اللبن ومنحركه حتى يدوب النشا.
هلا شعلي النار تحت اللبن وابدأي بغليه مع التحريك المستمر باتجاه واحد حتى يغلي .
ولما يغلي منسقط اللحم المسلوق باللبن ومنخليهن يغلوا سوا.
منوطي للنار شوي ، ومنضيف عليه مكعبين من مر قة الدجاج ماجي والقليل من الملح.ورش كركم
منخليه يغلي شي ربع ساعه وقبل ما نشيله عن النار منضيف ع اللبن رشة هال مطحون ناعم.
هلا منيجي لطبخ الرز:
اغسلي الرز منيح وصفيه من المي.
جيبي طنجره وحطي فيها زيت دره وبس يسخن الزيت اضيفي الرز فوقه وحركيه مع بعض،وبعدين ضيفي الماء
وبس يغلي منحط الملح ورشه الكركم ورشه الهال ومنحركه مع بعض ,
منونس للغاز ومنخليه يستوي ويتشرب .
هلا بعد ما كل شي استوى :
منجيب صدر كبير ومنخلي بالصدر رغيف خبز شراك رقيق
ومشرب عليه من اللبن المغلي ،بعدين منخلي الرز فوقه ،وفوق الرز اللحمه .
ومنزين الصدر بالبقدونس المفروم والصنوبر المقلي .
اما عن طريقة اكله منشرب اللبن ع الرز ومناكل همممممممممممممممم.واو
شهيتوني عليه رح قوم أطبخه هلا والله انه أكتر من رائع مش بس بشهادة الاردنيين ،لا بشهادة كل اللي اكلوه من كل الجنسيات ومن ضمنهم أنا سوريه وبحبه كتيييييييير .
ازا شكله مغري فكيف طعمه.
تسلم ايدك ياقمر
