يا رب تكونوا استمتعتوا بالعيد وأكلتوا لحمة كتير ههههههههههههه
قريت عن مفاجأة بتخص مدينة كيدزانيا وحبيت أشاركها معاكوا!!
كيدزانيا بتحتفل خلال شهر أكتوبر بمرور سنة كاملة علي تواجدها في مصروعشان كدة يوم 25 أكتوبر كيدزانيا هتعمل أحتفال كبير وهو تصوير أكبر صورة "عائلية" فى العالم بتكنولوجيا عالية جدا !! أيوة "عائلية" عشان الصورة هتبقى مليانة بأكبر عدد من الأطفال وأهاليهم وطبعا كل المهتمين بالطفل وعشان كدة كيدزانيا فاتحة الدعوة لكل الأطفال وأهاليهم للصورة دى.
كمان التصوير هيكون بأعلي تكنولوجيا تصوير وحجم الصورة هيكون "جيجا" كاملة يعنى كل اللي هيتصور فى الصورة هيقدر يكبر الصورة ويزووم ويشوف نفسه بوضوح.. يعنى حتى لو متصور أخر واحد فى الصورة برده هنعرف نشوف نفسنا والصورة هتبقى واضحة جدا ونقائها عالى. كمان كل واحد هيقدر يحدد نفسه فى الصورة "تاج" ويربطها بصفحته علي الفيس بوك.
الفرصة جميلة جدا عشان كلنا ناخد أطفالنا ونروح نتصور مع بعض لأنها هتبقى ذكرى جميلة أوى لكل أسرة فينا وهتبقى موجودة معانا للأبد.
الحدث ان شاء الله هيكون يوم ٢٥ أكتوبر في كايرو فيستيفال سيتيالساعه 11 الصبح قدام المبنى
الدعوة مجانية للاشتراك فى الصورة لكل اللى حابب يحضر ويتصور مع أسرته ^_^
وهو ان شاء الله هيكون يوم جميل مليان مفاجأت للأطفال وهيبقى فيه ألعاب كتير هناك للأطفال عشان يفرحوا ويلعبوا مع بعض وهى أصلا مدينة هايلة وكبيرة جدا بتحاكى الواقع وبتعلم الأطفال حاجات كتيرة أوى ومفيدة فعشان كدة أنا متشوقة أنى أروح مع أولادى.
دة رقم التليفون للإستعلام عن الحدث ١٦٥٩٣
|
تسلمى يا جميل! نورتينى