جبتلكم احدث صيحات المناكير الجديده لعام 2024
مناكير باشكال مذهله و تناسب جميع الاذواق
نشوف مع بعض
اولا / مناكير الكافيار caviar manicure
ده بقي اشكال استيالاته تحفه و تجنن بجد ووواوو
حتي احكموا انتوا بنفسكم
ده الكافيار
خرز صغنن زي الكافيار كده
طبعا فيه ماركات كتير في السوق و اشكال كتير في زجاجات مناكير او علب زي اللي في الصورة
طريقه الاستخدام /
الاول / نضع طبقه من اي لون مناكير تحبيه
ثانيا / نجيب طبق نحطه تحت ايدنا و نرش علي الظفر شويه خرز او نغمس ظفرنا في العلبه
ثالثا/ ا نضغط بايدنا علي الخرز كويس عشان يثبت قبل المناكير ما ينشف
رابعا/ نحط طبقتين من المناكير الشفاف عشان الخرز يثبت علي الاظافر
طبعا ممكن نعمل بيه استايلات كتير زي الصور كده وانتي وشاطرتك
.jpg)
ثانيا / مانكير التكسير nail polish
ده بقي حكايه لوحده عبارة عن مناكير بس مش عادي المناكير ده اول ما تحطيه ويبدأ ينشف تلاقيه اتشقق و كانه متكسر
انتي وشطارتك بقي ممكن تعملي الوان تحته تبقي شكلها تحفه و اخر شياكه يعني تخلي الطبقه اللي تحته بلون مناسب
يليق مع اللون بتاع التكسير
تعالوا نشوف سوا الاستايلات الجامده دي ^^
و طبعا في ماركات كتير واشكال كتير كلها توفي بنفس الغرض
طبعا مش محتاج طريقه استخدام لانه سهل بس هقولك الخطوات :
اولا تحطي طبقه مناكير عادي اللون المناسب مع لون مناكير التكسير ونسيبه ينشف شويه
ثانيا نحط طبقه من مناكير التكسير ونسيبها تنشف هتلاقي التشققات بدأت تظهر لحد ما ينشف خالص
ثالثا نحط طبقه من المناكير الشفاف عشان نحافظ علي شكل المناكير
نشوف الاشكال مع بعض
ثالثا / المناكير المغناطيسي magnetic nail polish
شكله رقيق و شيك اووي وسهل في استخدامه هو عبارة عن مناكير عادي بس معاه مغناطيس موجود في غطاء الزجاجه
بتحطي المناكير علي ظوافرك عادي خالص و تمسكي الغطاء وتخلي المغناطيس قريب من الظفر هيظهر لك المناكير مخطط بشكل تحفه فعلا
وبلمعه رقيقه خالص
ده شكله
طريقه الاستخدام سهله جدا :
اولا بتحطي طبقه من المناكير علي ظوافرك عادي خالص
ثانيا بتجيبي المغناطيس الموجود علي الغطاء و تقربيه من الظفر شويه من غير ما يلزق فيه و خليكي ماسكاه كده شويه 10 ثواني بالكتير
ثالثا شيلي المغناطيس هتلاقي الشكل اتعمل علي الظفر كرري علي باقي الاظافر و سيبيه ينشف عادي خالص
نشوف الاشكال مع بعض احلي حاجه فيه الوانه ولمعته تحفه جدا
رابعا / المناكير الفرو velvet manicure
ده عبارة عن بودرة من الفرو او المخمل المطحون ناعم جدا بالوان مختلفه الوانه مطفيه مش لامعه يعتبر استخدامه بنفس طريقه استعمال الكافيار بس بدون المناكيرالشفاف
ده شكله و برده فيه منه ماركات كتير في زجاجات عاديه
طريقه استعماله :
اولا نضع طبقه مناسبه من المناكير العادي اللون المناسب مع الفرو
ثانيا نقوم برش بعض من الفرو علي الظفر قبل ان يجف و لازم يكون تحت ايدنا طبق و الفائض نرجعه العلبه تاني
ثالثا نضغط عليه ضغط خفيف خالص عشان يثبت ونسيبه ينشف عادي
نشوف اشكاله مع بعض
ايه رايكم يا بنات
متنسوش التقييم والردود الحلوة
^^
بجد جميييييييييييييييييييييييله جدااااااااااااااااااااااا
بس انا مش كييفة مناكير خاااالص عمري ما حطيته بجد ههههههه
يسلمووووووو
|
تسلمي يا توتي انتي الاجمل والله
تصدقي انا كمان بس بحب اتفرج عليهم بس ههههههههههههههه
^^
|
ميرسي يا جوجو
نورتي يا قمر ^^
