السلام عليكم ورحمة الله وبركاته
وتفضلوا شوفي برنامجي وماابي الا الدعاااء :
في الوقت اللي يكون عندي شغل مثلا بالمطبخ ، سواء اخلط صابون او
اقصص اكل وسلطات او اي شي ياخذ مني بالقليل نص ساعه .. وهالعملية
اسويها يوم وترك .
** وهذي خطوات السنفرة :
احط بكف ايدي هالكمية من الشكر
بعدين اعصر عليه شوية ليمون (لازم طبيعي .. عصير الليمون العصار ماااينفع)
عقب اسوي سكرب قوي لكل ايديني ، واركززز عدل بالمفاصل
واطراف الاظافر ليييين ينشف الليمون وتبقى بس دبقة الشكر .
ساعتها اصب بيدي شوية زيت زيتون فوق الشكر والليمون
وادهن ايديني والبس القلافز النايلون .
هذا القلافز المقصود مو المتين مال المواعين
اوكي؟ البسه واقعد اسوي شغلي مدة نص ساعه اقل شي
وان اخذ شغلج وقت اكثر يستحسن ترى ..
بس بعد ما اقط القلافز اغسل ايدي بس بمااي .. وراح
تصير ناااعمه تينن ومافي ابد خشونه .
ومع الوقت تفتتتح جدااا
……………….
2- ثاني شي كنت ادهن ايدي يوميا 3 مرات بالقليل بخلطة كريمات
انا سويتها (على فكرة كل خلطاتي انا اسويها علشان اظمن مكوناتها)
والخلطة ماتغلى عليكم :
* كريم اولاي التوت البري .. او البديل له (كريم التفتيح اولاي اللي فيه
نسبة حماية.
* كريم فير اند لفلي (الكريم مو اللوشن) واللي بتقولي فيه كورتزون اقولها
كيفج شيليه . بس انا من عمر الدنيا استعمله ومامنه ضرر .
* نص كريم فازلين مال (الريول) الازرق .. تنعيمه مووووطبيعي .
* قفشة من كريم الكركم (بالعطار) .
* 2 غطا زيت جلسرين + 2 غطا زيت اللوز المر + زيت 4 كبسولات ف E
يرطب حييل ويقوي الاظافر ويفتح بشرة الايد .
………………………… ……………..
3- قبل اي طلعه بالنهار ما انسى ابدا كريم الحماية من الشمس ومو اقل من
50% .. بالاضافه الى القلافز الابيض في الاوقات اللي تكون الشمس الحااامية حييل .
وهذا كريم الحماية مال ايدي لأنه فيه فيتامين C فيفتح البشرة بعد .
بعد الحماية ارطب ايدي بخلطتي واطلع .
………………………… ……………….
4- قبل النووم لاازم ادلك الاظافر واطرافهم بخليط من زيت الزيتون + زيت
الخروع (مال الرموش) الي لصقته زرقة . (عجيييب يقويهم ويرطب اطرافهم)
ولما بشرتي تمص الزيت عدل ، احط من المرطب وانام .
وهذي ولله الحمد والشكر والمنة نتيجة تعبي على نفسي ومابي منكم الا
الدعاء لي ولاهلي
منقوول وردود لاوصيكم
جزاكِ الله خيرا
احط بكف ايدي هالكمية من الشكر
يعني إيه الشكر
معلش أنا جاهلة شوية
سلمتى
حبيبتي سمسم الشكر هو السكر بس بلهجتهم شكرا حبيبتي كاتبة الموضوع حفظكي الله وأهلك ادعي أنتي لي أن أفعل ذلك وأحصل علي نفس النتيجة