عدولاتى الحلوين
انهارده بإذن الله هنتكلم عن
العنايه بالجسم وشوية كماليات كده كنا ناسينها
هنتكلم على هيئة نقاط مختصره جدا ومفيده
العنايه بالجسم :
. هناخد شاور كل يوم او يوم ويوم من غير مانغسل شعرنا ( الشعر مره او مرتين فى الاسبوع )
. الترطيب بعد الاستحمام ب لوشن مرطب للجسم او اى كريم مرطب عندك او زيت جونسون للاطفال
. يستحسن يكون ليكى لوشن معين باسبراى للجسم نفس الريحه
يعنى تخصصى اسبراى معين او برفين مخصص للجسم بعد الاستحمام
. كل اسبوع هنعمل صنفره للجسم كله كله زى ما اتكلمنا قبل كده كمان فى منطقة البكينى وتحت الابط
أسهل صنفره زيت زيتون وسكر خشن وبحركات دائريه لمدة 5 دقايق
. كل شهر ويستحسن بعد الدوره الشهريه هنعمل سويت للجسم كله
بأى وسيله انتى ترتاحيلها :
السويت ودى افضل حاجه بصراحه
والبراون سيلك أبيل ودى فى المرتبه التانيه
والشمع ( شرائح او الماكينه نفسها ودى المرتبه التالته لانها مكلفه شويه
ومش متوفره
مكلفه علشان شرائح الشمع اللى بتباع فى الصيدليات غاليه
ومش متوفره بالنسبه للجهاز نفسه لما بتشتريه بيكون معاه شمع اصلى ولما يخلص مش بتلاقى الاصلى الا قليل اوى وبيكون غالى
العنايه بالايد والرجل :
. الترطيب اليومى للايد والرجل
بصوا يا حلوين فى كريمات معينه للايد ودى بتكون خفيفه وكريمات تانيه للرجل
زى ما اتنى عاوزه او اى كريم مرطب عندك
رجليكى
بعد كل وضوء ترطبيها على خفيف كده
وبالليل ترطيب مكثف مع لبس شراب
بصوا التكايه دى
هاتى شراب قديم عندك وتقصيه من عند الصوابع وتخصصيه للنوم
لان لما بتلبسى شراب وانتى نايمه ده بيكتم الرجل وبيخلى الصوابع ريحتها وحشه
وبالنسبه للايد :
ترطيب بعد كل وضوء وبعد غسيل المواعين
وترطيب مكثف فى الليل قبل النوم
. باديكير للايد والرجل مره بالاسبوع :
اسهل حاجه
بالنسبه للرجل
هتجيبى بلاستيكه وشوية مايه صغيرين وشاور وشوية ملح
وتنقعى رجلك ربع ساعه وبمبرد الرجل هتعملى رجلك على الخفيف وبفرشاه اسنان قديمه تغسلى ضوافرك وتقومى
وبالنسبه للايد
هتقصى ضوافرك بلاش نسيب ضوافرنا طويله
وبالمبرد نبرد ونشيل الزيادات وبفرشاة سنان قديمه وتكون ناعمه نفرش بيها ايدينا وضوافرنا وبعدين نرطب
العنايه بالرموش والحواجب :
. هتجيبى ماسكارا قديمه عندك وتغسليها كويس
وتجيبى زيت خروع وتعملى بيها رموشك وحواجبك كل يوم بالليل وممكن تضيفى كمان كبسوله فيتامين أ من الصيدليه
العنايه بالاذن :
الكثير من الناس يخطئون في طريقة تنظيف الاذن فهناك الكثير يستخدم اصابعة او المناديل او الاعواد لتنظيف الاذن وهذا من ابشع الاخطاء ولكي يكون لديكم علم من نعمة اللة علينا انة خلق لنا الية لتنظيف الاذن اي ان الاذن بها الياف داخلية لتنظيف نفسها
هل تعلم انك عندما تدخل اصابعك او اي شيء لمحاولة تنظيف اذنك فانك لا تنظفها وانما تساهم في تجميد الشمع الذي بداخلها
وينصح الكثير من الاطباء حول العالم بعدم تنقية الاذن او تنشيفها بالقطن الا في الحالات الصعبة اي يمكنك ان تسخن ماء وتبل القطنة بجزء بسيط من الماء ثم تقوم بلطافة بتنظيف الاذن ولا تكرر تلك الطريقة دائما
اما عن الافضل فيجب ان تترك اذنك وشائنها فهي قادرة علي تنظيف نفسها بنفسها ان الشمع الذي يتكون في الاذن نتيجة للعفار والاتربة والاذن قادرة علي محاربتهم لذا تحولهم الي شمع ثم تخرجهما
الم تلاحظ يوما ان هناك جزء من الشمع قد سقط من اذنك هذهي هي عملية اخراج الاذن للشمع لذي اترك اذنك علي طبيعتها
المطلوب منكم يا قمرات :
. تضيفيلنا نقطه جديده على الدرس ايا كانت مستحضر بتستخدميه
اى نقطه جديده اى حاجه نسينا تنكلم عنها
علشان ده اخر درس فى الحمله
مستنيه تفاعلكم
تسلم ايدك يا عسل
منوره
بس هحاولواول ماافتكر حاجة زيادة هقولك على طول
كانت دورة ولا اروع بها معلومات كتير و مهمة
تسلمى يا احلى مورا
بس عندى سؤال احنا لم بنام نسيب شعرنا مفرود ولا نعملوا آآآآيه
آيه هى الطريقة الصحيحة لغسل الشعر فى الاستحمام
واكيد لو افتكرت حاجة هقولك على طول 