ازيكو ياقمرات
انهارده هقدملكو طريقه عمل العجه المصريه على طريقة جدتى
انتو عارفين دى اكله من التراث الشعبى المصرى وكمان مغذيه ومفيده جدا جدااااااااااا
يلا تعالو عالمطبخ
المقادير تكفى صينيه واحده
10 بيضات
2 حزمة بقدونس
2 حزمة كزبره
1 حزمة شبت
كوب صغير دقيق
بصله كبيره
حبة طماطم متوسطه
قرن فلفل بارد او حامى حسب الرغبه
ملح/ فلفل/ بهارات حسب الرغبه برضو
الطريقه
عالنار البصله بتصفريها بالشكل ده
بعدها تشيلها من عالنار وتحطيها فى طبق وعليها هنقطع الخضره والفلفل والطماطم قطع صغيره وهنضيف عليهم البيض بالشكل ده
هنقلبهم كويس جدا وهنضيف الدقيق وبرضو هنقلب كويس جدااااااااااا لحد ما الخليط كله يتجانس مع بعضه كده
بعد كده هنحط الخليط فى الصينيه كده
هندخلها الفرن فى الرف الوسطانى ونسيبها تستوى براحتها لحد ما نوصل للون الذهبى الجميل وكمان هنغرس سكينه فى قلبها عشان نعرف اذا كانت استوت ولا لأ وده شكلها لما خرجت من الفرن
وقدميها بالهنا والشفا
ممكن مع البتنجان المخلل بتبقى رائعه
يارب تجربوها وتعجبكو
على وعد بلقاء اخر بأذن الله
فى حفظ الله ورعايته ياقمرات
مش هتعزميني ولا اي الله ههههههههه
مجهود رائع جدا بجد
مشكوووورة ي حبي
تم التكريم
تجنن
شكلها تفتح النفس يا رحوبة ♥♥