منوررين والله 
الموضوع بئه ومن غير رغى كتير ان فى ناس بتعرف تطبخ وطابخات ماهرات
وناس تانيه متعرفش حاجه عن الطبيخ غير كوباايه الشاى وتقلى بيضتين ..
فقلت بئه نعمل موضوع كل واحده مثلا مميزة فى أكله معينه والجميع من اهلها بيشهدولها بكدا تكتب لينا الاكله دى وطريقتها وتفيد غيرها من اللى مش بيعرفوا يطبخوا .. اهو يتعلموا ليهم حاجه بدل ما يفضحونا بعد كدا 
( لا مؤاخذه يعنى ) …
ونحاول نعمل زى ملف كامل عن المأكولات يعنى مثلا الفراخ ليها طرق كتيره نذكرها كلها مع بعض .. اللحوم مثلا … وهكذا ..
وبكدا نقدر نستفاد كلنا من بعض ونبقى بنات وستات بيت شطار 
..
قلت ايه هلاقى تشجيع منكم 
ولا اروح بيتنا احسن ونقفل على الموضوع
اشطات يا بنات
|
طيب بما انها عجبتك .. شاركينا ياام سما 
هبدأ بنفسى وليكن فى الفراخ ..
اول طريقه ::
بنجيب الفرخه نغسلها كويس اوى ونقطعها 4/4
وبعدين بحضر مياه وفيها بصله وفلفل اخضر وبهارات خفيفه واسيبها شويه على النار
بحط الفرخه لحد ما تستوى وبعدين اشيل الجلد واحطها فى بقسماط او فجيتار واقليها ..
والشوربه ممكن تنفع فى الملوخيه مثلا .. او تعملى شوية شعريه تحمريهم وتحطى عليها الشوربه لحد ما الشعريه تستوى وبألف هنا ….
( فى ناس بتعمل الفراخ المسلوقه بطريقه تانيه انها بتشوح البصل وورق اللورى والحبهان والمستكه فى زيت او سمنه وتحط الفرخه والمياه بس بحب الطريقه الاولى علشان مش بيكون فيها زيوت خالص ) كل واحده وراحتها 
..
ثانى طريقه :::
وهى إنى بعد مااقطع الفراخ وانضفها بتبلها كويس واجيب صينيه واحط فيها بصل متقطع ترانشات وبطاطس متقطعه حلقات وفلفل اخضر وشبة او كزبرة او بقدونس ..
ولو حابة تحطى خضار حطى زى البسله والفاصوليا .. وبعدين بحطها فى الفرن لحد ما تستوى طعمها بيكون رائع بجد لانها خاليه من اى دهون وكمان ممكن تقدمى البطاطس لوحدها تتاكل مع رز او مكرونه زى ما تحبوا …
تالت طريقه :::
الفراخ البانيه وطبعا دى بتيجى مخليه يدوب بتتبل وتحطيها فى بقسماط واقلى فى الزيت ..
وطريقة التتبيله هى عصير ليمون بهارات زى ما تحبى وفى ناس بتحب تحط جنزبيل كل واحده وراحتها ..
د ا اللى فكراه حاليا ..
اذا افتكرت جديد هخش واكتب
… ياريت اللى عندها حاجه بخصوص الطبيخ متبخلش علينا بيها .. خليكوا حلووووووووووووووووووووووووين اكتر ماانتم حلوووووووووووووووووين
|
اكييييييييييييييييييييييييييييييييييييييييييييد طبعااااااااااااااااااااااااا ممكن تقدمى اللى تحبيه منتظراكى يا ضحضوحه …
